Joe Hart ចង់ទៅក្លឹបណាមួយឲ្យដាច់ មិនចង់ឲ្យគេខ្ចីជើងដូចមុន

2018-07-22 02:59:46
ព័ត៌មាន

2018-07-22 02:59:46
ចំនួនមតិ 0 | ចំនួនចែករំលែក 0

ចន្លោះមិនឃើញ

Joe Hart បាននិយាយថាការផ្ទេររបស់គេបន្ទាប់នឹងជាការផ្ទេរអចិន្ត្រៃយ៍មិនមែនលក្ខណៈខ្ចីជើងចុះឡើងដូច២រដូវកាលមុននោះទេ។

Hart

អ្នកចាំទីវ័យ៣១ឆ្នាំបាត់បង់ឱកាសជាដៃទីមួយរបស់ Manchester City ក្រោយវត្តមានរបស់ Pep Guardiola នៅទឹកដី Etihad ដោយបង្ហាញខ្លួនបាន១ប្រកួតប៉ុណ្ណោះក្រោមការដឹកនាំរបស់អ្នកចាត់ការទូទៅថ្មីហើយត្រូវខ្ចីជើងទៅ Torino និងចុងក្រោយបំផុតគឺ West Ham។

ការខ្ចីជើងទៅមក និងលេងមិនទៀងទាត់ធ្វើឲ្យកីឡាកររូបនេះបាត់បង់ជម្រើសនៅក្រុមជម្រើសជាតិអង់គ្លេស និងខកខានឱកាសលេង World Cup ២០១៨ នៅរុស្ស៊ីក្រោមការដឹកនាំរបស់គ្រូបង្វឹកលោក Gareth Southgate។

អ្វីដែលខ្ញុំបានធ្វើនៅ២រដូវកាលកន្លងមកគឺដោយសារខ្ញុំចង់លេង World Cup។ ខ្ញុំមានបទពិសោធន៍ ខ្ញុំធ្លាប់លេងដល់កម្រិតកំពូល។ ខ្ញុំចង់ធ្វើជាកីឡាករសំខាន់នៅក្នុងក្លឹបណាមួយ ហើយមានតែការផ្ទេរអចិន្ត្រៃយ៍ប៉ុណ្ណោះដែលអាចឲ្យខ្ញុំសម្រេចវាបាន។ កីឡាករដែលសល់កុងត្រា១ឆ្នាំកន្លះជាមួយ City និយាយដូច្នេះ៕