- 2018-07-16 02:10:39
- បាល់ទាត់
Musashi ថា U19 មិនបានឡើងវគ្គបន្ទាប់ពីព្រោះស្ទើរបទពិសោធ
- 2018-07-16 02:10:39
- ចំនួនមតិ 0 | ចំនួនចែករំលែក 0
Musashi ថា U19 មិនបានឡើងវគ្គបន្ទាប់ពីព្រោះស្ទើរបទពិសោធ
ចន្លោះមិនឃើញ
លោក Mizushima Musashi គ្រូបង្វឹកក្រុមបាល់ទាត់ U19 កម្ពុជា មើលឃើញពីភាពចន្លោះប្រហោងរបស់កូនក្រុមខ្លួនត្រង់នៅស្ទើរបទពិសោធទើបមិនអាចឆ្លងផុតវគ្គជម្រុះតាមពូល ដើម្បីឡើងទៅកាន់វគ្គ ៤ ក្រុមចុងក្រោយក្នុងពានរង្វាន់ AFF U-19 Championship 2018 នៅប្រទេសឥណ្ឌូណេស៊ីកាលពីពេលថ្មីៗនេះ។
ក្រោយមកដល់អាកាសយានដ្ឋានអន្តរជាតិភ្នំពេញកាលពីយប់មិញ គ្រូបង្វឹកជនជាតិជប៉ុនខាងលើបានឲ្យដឹងថា ពេលចេញទៅប្រកួតពាននេះ ក្រុមបានដាក់គោលដៅធ្វើយ៉ាងណា ដើម្បីឡើងទៅដល់វគ្គបន្ទាប់។ ប៉ុន្តែមិនអាចធ្វើបានដោយសារកូនក្រុម ហាក់នៅស្ទើរបទពិសោធ ពិសេសនៅពេលប្រឈមក្រុមខ្លាំងៗ គឺកីឡាករកម្ពុជាមានការពិបាកក្នុងការលេង ដោយមិនដឹងថា តើគួរលេងដោយរបៀបណា។
ទាក់ទងការយកឈ្នះ ទីម័រខាងកើត ២-១ នៅប្រកួតចុងក្រោយវិញ លោកបញ្ជាក់ថា មកពីក្រុមបានធ្វើការប្រជុំគ្នា ដោយធ្វើយ៉ាងណាលេងឲ្យបានល្អបំផុត។ មួយវិញទៀតការយកឈ្នះទីម័រនេះអាចមកពីពួកគេចាប់ផ្ដើមសមជាមួយការប្រឈមជាមួយក្រុមខ្លាំង នៅប្រកួតទី៤ ដែលជាការប្រកួតចុងក្រោយក្នុងពូល។
សម្រាប់ព្រឹត្តិការណ៍ខាងលើ U-19 កម្ពុជាយកបាន ៦ ពិន្ទុក្នុងព្រឹត្តិការណ៍ខាងលើ ដោយស្ថិតនៅលេខ ៣ ក្នុងពូល B នៅលើទីម័រខាងកើត និងប្រ៊ុយណេ៕
