- 2018-05-26 01:39:32
- បាល់ទាត់
បឹងកេត ត្រៀមចរចាជាមួយម្នាក់ក្នុងចំណោមបីនាក់ ដែលលីគម៉ាឡេស៊ីផ្ដាច់កុងត្រា
- 2018-05-26 01:39:32
- ចំនួនមតិ 0 | ចំនួនចែករំលែក 0
បឹងកេត ត្រៀមចរចាជាមួយម្នាក់ក្នុងចំណោមបីនាក់ ដែលលីគម៉ាឡេស៊ីផ្ដាច់កុងត្រា
ចន្លោះមិនឃើញ
អ្នកស្រី ពុទ្ធ ធីតា ដែលជាប្រធានក្លឹបបឹងកេតបានអះអាងថា ក្លឹបរបស់អ្នកខ្លួន នឹងបើកការចរចាជាមួយកីឡាករឆ្នើម ចាន់ វឌ្ឍនាកា ក្នុងគោលបំណង ដើម្បីនាំយកកីឡាកររូបនេះមកចូលរួមជាមួយក្លឹបរបស់ខ្លួននៅពាក់កណ្ដាលរដូវកាលនេះ។
ប្រធានក្លឹបរូបនេះបានអះអាងថា ខ្លួនពិតជាចង់បាន វឌ្ឍនាកា មកចូលរួមជាមួយបឹងកេតវិញខ្លាំងមែនទែន។ រហូតមកដល់ពេលនេះអ្នកចាត់ការរបស់អ្នកស្រីគឺលោក បែ មករា បាននិយាយខ្លះៗជាមួយ វឌ្ឍនាកា រួចហើយ។
អ្នកស្រីបញ្ជាក់ថា នៅរយៈពេល ២ ឬ៣ ថ្ងៃទៀតអ្នកស្រី នឹងណាត់ជួប វឌ្ឍនាកា ផ្ទាល់ដើម្បីសាកសួរថា តើរូបគេចង់មកបឹងកេតវិញឬយ៉ាងណា។ អ្នកស្រីក៏មិនទាន់ច្បាស់ថាកំពូលកីឡាកររបស់កម្ពុជារូបនេះចង់បន្តលេងក្រៅស្រុក ឬចង់មកលេងនៅក្នុងស្រុកវិញឡើយ។
អតីតក្លឹបបឹងកេត ចាន់ វឌ្ឍនាកា បានទៅចូលរួមជាមួយក្លឹបនៃលីគទី៣ ជប៉ុន Fujieda MYFC បានមួយរដូវកាលក្នុងលក្ខខ័ណ្ឌខ្ចីជើងក្នុងរដូវកាល ២០១៦-២០១៧។ ក្រោយចប់កុងត្រានេះ រូបគេក៏បន្តទៅលេងនៅក្លឹប Pahang របស់ម៉ាឡេស៊ីក្នុងរដូវកាលថ្មី២០១៨ ប៉ុន្តែទើបតែត្រូវបានក្លឹបមួយនេះផ្ដាច់កុងត្រាកាលពីពេលថ្មីៗនេះ៕
