/5afce9fc6f2cc_1526524380_medium.jpg)
- 2018-05-17 02:36:13
- បាល់ទាត់
ក្ដីស្រមៃ Torres ឈ្នះពានធំជាមួយ Atletico លើកដំបូងបានក្លាយជាការពិត
- 2018-05-17 02:36:13
- ចំនួនមតិ 0 | ចំនួនចែករំលែក 0
ក្ដីស្រមៃ Torres ឈ្នះពានធំជាមួយ Atletico លើកដំបូងបានក្លាយជាការពិត
ចន្លោះមិនឃើញ
Fernando Torres បាននិយាយថាការឈ្នះពាន Europa League ជាមួយ Atletico Madrid គឺជាក្ដីស្រមៃរបស់ខ្លួនតាំងពីកុមារភាពមក។
Atletico បានយកឈ្នះ Marseille ៣ទល់នឹង០ នៅវគ្គផ្ដាច់ព្រ័ត្រដើម្បីលើកពានធំទីពីររបស់ទ្វីបអឺរ៉ុប ហើយជាការឈ្នះពានលើកទី៦ក្រោមការដឹកនាំរបស់លោក Diego Simeone។ យ៉ាងណាពានយប់មិញគឺជាពានលើកដំបូងដែល Torres ឈ្នះជាមួយ Atletico។
ខ្សែប្រយុទ្ធសញ្ជាតិអេស្ប៉ាញចំណាយពេល១១រដូវកាលជាមួយក្លឹបមានមូលដ្ឋាននៅម៉ាឌ្រីដ តែទើបតែឈ្នះពានធំលើកទីមួយប៉ុណ្ណោះជាមួយក្លឹប ហើយវាក៏ជាពានលើកចុងក្រោយដែរ ដោយសារ Torres នឹងចាកចេញពី Atletico នៅចប់រដូវកាល។
ថ្លែងពីអារម្មណ៍របស់ខ្លួនអតីតកីឡាករ Liverpool និង Chelsea បាននិយាយថា៖ "ការឈ្នះពានជាមួយ Atletico គឺជាក្ដីស្រមៃតាំងពីតូចមក ពេលនេះវាបានក្លាយជាការពិតហើយ។ សម្រាប់ខ្ញុំវាគឺជាការបែកគ្នាដ៏មានន័យបំផុត។ ខ្ញុំតែងតែស្រលាញ់ និងគាំទ្រក្លឹប"៕
