ប្រាក់ សុវណ្ណារ៉ា ផ្ញើសារទៅក្លឹប និងកីឡាករក្នុងការត្រៀម Suzuki Cup

2018-05-10 02:23:36
បាល់ទាត់

2018-05-10 02:23:36
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក ប្រាក់ សុវណ្ណារ៉ា គ្រូបង្វឹកក្រុមជម្រើសជាតិ U21 កម្ពុជា បញ្ចេញទស្សនៈថា សម្រាប់ការត្រៀមព្រឹត្តិការណ៍ Suzuki Cup ចុងឆ្នាំនេះ កីឡាករទាំងអស់ត្រូវតែត្រៀមខ្លួនចាប់ពីពេលនេះទៅឲ្យបានរួចរាល់។

លោក ប្រាក់ សវុណ្ណារ៉ា

គ្រូបង្វឹកដែលបានជួយ U21 ឡើងទៅកាន់វគ្គផ្ដាច់ព្រ័ត្រពានស្ដេចប្រ៊ុយណេរូបនេះ បានឲ្យដឹងថា កីឡាករជម្រើសត្រូវបានក្រុមគ្រូបង្វឹកប្រាប់រួចហើយ អំពីការអភិវឌ្ឍន៍ខ្លួនរាល់ចំណុចដែលខ្វះខាត ហើយពង្រឹងបន្ថែមរាល់អ្វីដែលមិនទាន់មាន។ ប៉ុន្តែកីឡាករទាំងអស់ត្រូវត្រៀមខ្លួន និងអភិវឌ្ឍន៍ខ្លួនចាប់ពីពេលនេះទៅ ដើម្បីត្រៀមព្រឹត្តិការណ៍សំខាន់នៅចុងឆ្នាំនេះគឺ Suzuki Cup និង ការចូលរួមគាំទ្រពីបណ្ដាក្លឹបក្នុងលីគអាជីពខ្មែរ ដើម្បីត្រៀមស៊ីហ្គេមនៅឆ្នាំក្រោយឲ្យបានក្ដៅគគុក។

រឿងមួយដែលលោកចង់ឲ្យពង្រឹងឲ្យបានខ្លាំងបំផុតគឺ ក្លឹបនៅក្នុងលីគទាំងអស់ គួរតែផ្ដល់ឱកាសឲ្យកីឡាករកម្ពុជាបានលេងឲ្យបានគ្រប់ៗគ្នា ពីព្រោះវាជាកត្តាចាំបាច់ក្នុងការអភិវឌ្ឍន៍វិស័យបាល់ទាត់។ ព្រឹត្តិការណ៍ Suzuki Cup 2018 នឹងដំណើរការចាប់ពីថ្ងៃទី៨-២៤ ខែវិច្ឆិកា ឆ្នាំ២០១៨ ដែលមាន ៤ ប្រកួតហើយគ្រោងធ្វើឡើងនៅដីកម្ពុជាពីរប្រកួត និងក្រៅដីពីរប្រកួត៕