- 2018-05-08 07:09:38
- បាល់ទាត់
សុះ ស៊ូហាណា ស្ដាយមិនអាចជួយ U21 លើកពានស្ដេចប្រ៊ុយណេបាន
- 2018-05-08 07:09:38
- ចំនួនមតិ 0 | ចំនួនចែករំលែក 0
សុះ ស៊ូហាណា ស្ដាយមិនអាចជួយ U21 លើកពានស្ដេចប្រ៊ុយណេបាន
ចន្លោះមិនឃើញ
ខ្សែបម្រើឆ្នើមរបស់ណាហ្គាវើលបង្ហាញការសោកស្ដាយ ដែលមិនអាចជួយក្រុមជម្រើសជាតិក្រោមអាយុ ២១ ឆ្នាំលើកពានស្ដេចស៊ូលតង់នៃប្រទេសប្រ៊ុយណេកាលពីពេលថ្មីៗនេះ។
ខ្សែបម្រើដែលជួយ U21 កម្ពុជា បានឡើងទៅកាន់វគ្គផ្ដាច់ព្រ័ត្រពានខាងលើរូបនេះ បានឲ្យដឹងថា ការទទួលបានឱកាសចូលលេងជាមួយក្រុមយុវជនជារឿងកម្រមួយ។ ប៉ុន្តែខ្លួនពិតជាមានការសោកស្ដាយមែនទែន ដែលមិនអាចជួយក្រុមយកឈ្នះទៅលើទីម័រខាងកើតនៅវគ្គផ្ដាច់ព្រ័ត្របាន។
ខ្សែបម្រើក្រុមធំរបស់កម្ពុជារូបនេះបន្ថែមថា តាមពិតទៅទីម័រមិនខ្លាំងជាងកម្ពុជាទេ ពោលគឺប្រដំប្រសងគ្នា។ ប៉ុន្តែការបរាជ័យនេះ កើតឡើងដោយសារកម្ពុជាប្រមូលអារម្មណមិនបានល្អដូចទីម័រ។
ខ្សែបម្រើខ្មែរ-ឥស្លាមរូបនេះរកបានពីរគ្រាប់ក្នុងព្រឹត្តិការណ៍ពានស្ដេចប្រ៊ុយណេ គ្រាប់បាល់ទី១រូបគេរកបាននៅពេលក្រុមយុវជនកម្ពុជាអាយុក្រោម២១ឆ្នាំចាញ់ក្រុម U21 ឡាវដោយលទ្ធផល ២-១ និងគ្រាប់បាល់ទី២រកបាននៅពេល U21 កម្ពុជាយកឈ្នះ U21សិង្ហបុរី ១-០ ដើម្បីឡើងវគ្គពាក់កណ្តាលផ្តាច់ព្រ័ត្រ។ ទន្ទឹមនឹងនោះរូបគេក៏ជាអ្នកបញ្ជូនបាល់ឲ្យមិត្តរួមក្រុម ណារ៉ុង កក្កដា ទាត់ចូលទាំងពីរគ្រាប់ពេលយកឈ្នះ U21 មីយ៉ាន់ម៉ា ក្នុងការឡើងទៅកាន់វគ្គផ្ដាច់ព្រ័ត្រផងដែរ៕
