- 2018-03-13 02:36:07
- ព័ត៌មាន
មួយឈុតបែបស្ទាវ របស់ Ryan Giggs មកកម្ពុជាដឹងតម្លៃប៉ុន្មានអត់?
- 2018-03-13 02:36:07
- ចំនួនមតិ 0 | ចំនួនចែករំលែក 0
មួយឈុតបែបស្ទាវ របស់ Ryan Giggs មកកម្ពុជាដឹងតម្លៃប៉ុន្មានអត់?
ចន្លោះមិនឃើញ
ក្នុងដំណើរទស្សនកិច្ចផ្លូវការ ៣ថ្ងៃរបស់កីឡាករលំដាប់ពិភពលោក Ryan Giggs មកកម្ពុជាតាមការអញ្ជើញរបស់ក្រុមហ៊ុន CBL ក្នុងព្រឹត្តិការណ៍ Tiger Street Football Festival 2018 អតីតកីឡាករក្រុមបិសាចក្រហមរូបនេះបានស្លៀកពាក់បែបសាមញ្ញបំផុត គឺខោខូវប៊យ អាវយឺតTiger ស្បែកជើងប៉ាត់តា និងនាឡិកាដៃបែបស្ពតពណ៌ខ្មៅ។ សំលៀកបំពាក់ដ៏សាមញ្ញរបស់កីឡាករលំដាប់ពិភពលោករូបនេះស្លៀកក្នុងកម្មវិធីនេះមានតម្លៃប៉ុន្មាន?
ខោខូវប៊យ របស់កីឡាកររូបនេះស្លៀកក្នុងកម្មវិធីនេះគឺ ម៉ាក Dolce & Gabbana Blue Cotton Jeans។ តម្លៃខោ ម៉ាកDGមួយនេះលក់ក្នុងវេបសាយ amazon មានតម្លៃ ៥០២ អឺរ៉ូ គិតជាដុល្លារ ប្រហែល ៦០០ដុល្លារ។
ស្បែកជើងម៉ាក adidas X PLR លក់ក្នុងវេបសាយ ebay មានតម្លៃ ១១០អឺរ៉ូ គិតជាដុល្លារជាង១៣០ដុល្លារ។ នាឡិកាដៃម៉ាក HUBLOT Big Bang Unico Titanium លក់ក្នុងវេបសាយ ebay មានតម្លៃ១ម៉ឺន៦ពាន់ដុល្លារ។
សរុបជារួមទៅ មួយតួខ្លួនរបស់តារាឆ្នើមរបស់បិសាចក្រហមមកកម្ពុជានេះ មានតម្លៃជិត២ម៉ឺនដុល្លារឯណោះ។ ដោយតម្លៃនេះមិនបូកជាមួយអាវរបស់ Giggs ពាក់នោះទេ ព្រោះរូបគេពាក់អាវរបស់ Tiger ធម្មតាប៉ុណ្ណោះ៕
