- 2018-02-28 23:02:00
- ព័ត៌មាន
ក្រុមសុវណ្ណភូមិ Hotel FC ជុំផ្ដាច់ព្រ័ត្រនៅភ្នំពេញ ទោះចាញ់ក៏ចាញ់ល្អមើលដែរ
- 2018-02-28 23:02:00
- ចំនួនមតិ 0 | ចំនួនចែករំលែក 0
ក្រុមសុវណ្ណភូមិ Hotel FC ជុំផ្ដាច់ព្រ័ត្រនៅភ្នំពេញ ទោះចាញ់ក៏ចាញ់ល្អមើលដែរ
ចន្លោះមិនឃើញ
ប្រធានក្រុមបាល់ទាត់ សុវណ្ណភូមិ Hotel FC បានចំណាយពេលហ្វឹកហាត់យូរហើយមុនពេល Tiger Street Football Festival 2018 ឈានមកដល់ក្រុមរបស់ខ្លួនទទួលបានចំណាត់ថ្នាក់លេខ១នៅមណ្ឌលខេត្តកំពង់ចាម និងសង្ឃឹមទទួលបានលទ្ធផលល្អសម្រាប់ការប្រកួតជុំផ្តាច់ព្រ័ត្រទូទាំងប្រទេសនៅរាជធានីភ្នំពេញខាងមុខនេះ។
អ៉ិត ហូសេន ប្រធានក្រុមបានឲ្យដឹងថា ពេលទៅប្រកួតនៅរាជធានីភ្នំពេញនាខែមីនា ឆ្នាំ២០១៨ ខាងមុខនេះ ក្រុមរបស់ខ្លួនសង្ឃឹមធ្វើបានល្អ ពីព្រោះបានត្រៀមបានល្អកន្លងមក។ ប្រសិនបើចាញ់ ក៏ចាញ់ដោយល្អមើល ចាញ់ដោយលទ្ធផលល្អពោលគឺមិនងាយក្រុមផ្សេងស៊ុតចូលក្រុមរបស់ខ្លួនស្រួលៗនោះទេ។
សម្រាប់ចំណុចខ្សោយខ្លះៗដែលក្រុមរបស់ខ្លួនត្រូវពង្រឹង និងកែប្រែនោះរួមមានការហ្វឹកហាត់ឲ្យខ្លាំង ហ្វឹកហាត់កម្លាំង និងបច្ចេកទេស ហើយព្យាយាមលេងឲ្យបានច្រើន ងាយយល់ចិត្តគ្នា។ ទោះជាយ៉ាងណា ក្រុមខេត្តកំពង់ចាមមួយនេះទទួលស្គាល់ភាពខ្លាំងរបស់ក្រុមមកពីមណ្ឌលផ្សេងៗទៀតសុទ្ធតែខ្លាំងដែលបានឡើងទៅជុំផ្តាច់ព្រ័ត្រនៅភ្នំពេញ។
ក្រុមបាល់ទាត់ សុវណ្ណភូមិ Hotel FC ជាក្រុមចំណាត់ថ្នាក់លេខ២ ប្រចាំមណ្ឌលទី៦កំពង់ចាម ដែលបានបញ្ចប់ទៅកាលពីថ្ងៃអាទិត្យទី២៥ ខែកុម្ភៈ ឆ្នាំ២០១៨។ សម្រាប់មណ្ឌលកំពង់ចាមនេះគឺមាន៦ក្រុម ដែលអាចមកវគ្គផ្ដាច់ព្រ័ត្រនៅរាជធានីភ្នំពេញថ្ងៃទី ១០-១១ មីនា ឆ្នាំ២០១៨ នៅទីក្រុងកោះពេជ្រ៕
វីដេអូខាងក្រោម៖
