- 2018-02-07 01:52:38
- ព័ត៌មាន
ទិដ្ឋភាព យុវជនចាប់អារម្មណ៍ខ្លាំងកីឡាសិស្សខេត្តបាត់ដំបង
- 2018-02-07 01:52:38
- ចំនួនមតិ 0 | ចំនួនចែករំលែក 0
ទិដ្ឋភាព យុវជនចាប់អារម្មណ៍ខ្លាំងកីឡាសិស្សខេត្តបាត់ដំបង
ចន្លោះមិនឃើញ
យុវជន សិស្សានុសិស្សបានចាប់អារម្មណ៍ខ្លាំងចំពោះការប្រកួតកីឡាសិស្សបឋម និងមធ្យមសិក្សាខេត្តបាត់ដំបងដែលដំណើរការប្រកួតពីថ្ងៃទី១ដល់ទី១៣ ខែកុម្ភៈ ឆ្នាំ២០១៨។
ការប្រកួតសង្កេតឃើញថា សិស្សានុសិស្ស ជាពិសេសសិស្សស្រីចាប់អារម្មណ៍ចំពោះការប្រកួតដែលពួកគេបានទស្សនា និងស្រែកហ៊ោដើម្បីលើកទឹកចិត្តដល់ក្រុមកីឡានីមួយៗ។ តាមការឲ្យដឹងពីគណៈកម្មការរៀបចំការប្រកួតប្រាប់ថា យុវជននៅខេត្តបាត់ដំបងពិតជាចូលរួមយ៉ាងសស្រាក់ស្រាំដើម្បីលើកទឹកចិត្តដល់ក្រុមមកពីសាលារបស់ពួកគេ។ សកម្មភាពបែបនេះជាសញ្ញាដ៏ល្អដល់ការជំរុញ និងអភិវឌ្ឍកីឡានៅក្នុងខេត្ត។
គណៈកម្មការបានឲ្យដឹងថា សម្រាប់ការប្រកួតកីឡាសិស្សឆ្នាំ២០១៨នេះបែងចែកជា២កម្រិតគឺបឋម និងមធ្យម។ កម្រិតមធ្យមមាន៤ប្រភេទកីឡាគឺកីឡាបាល់ទាត់មាន២វិញ្ញាសា(បុរស និងនារី) កីឡាបាល់បោះមាន២វិញ្ញាសា (បុរស និងនារី) កីឡាប៉េតង់មាន២វិញ្ញាសា(វាយទោល និងវាយជាក្រុម) និងកីឡាអត្តពលកម្ម។ ចំពោះកម្រិតបឋមមាន៤ប្រភេទកីឡាដូចកម្រិតមធ្យមដែរ៕
