- 2018-02-06 02:32:38
- ព័ត៌មាន
នារីម៉ូឌែលបង្អួតរាង នៅ F1 នឹងលែងមាន ហើយជំនួសដោយកុមារតូចៗវិញ
- 2018-02-06 02:32:38
- ចំនួនមតិ 0 | ចំនួនចែករំលែក 0
នារីម៉ូឌែលបង្អួតរាង នៅ F1 នឹងលែងមាន ហើយជំនួសដោយកុមារតូចៗវិញ
ចន្លោះមិនឃើញ
ការប្រណាំងរថយន្ត FORMULA One ឬ F1 ឆ្នាំ២០១៨ នឹងឈប់ប្រើនារីម៉ូឌែល (Grid girl) ដើរបង្អួតរាងដូចរដូវកាលមុនៗទៀតហើយ តែនឹងប្រើកុមារតូចៗជំនួសវិញ។
កុមារនឹងត្រូវជ្រើសរើសដោយគណៈកម្មការរៀបចំការប្រកួតតាមទីលាននៃប្រទេសនីមួយៗ ហើយកុមារ២០នាក់នឹងឈរអមកីឡាករប្រណាំងម្នាក់ នៅមុនការប្រកួតចាប់ផ្ដើម ដូចដែលនារី ម៉ូឌែលធ្លាប់ធ្វើនាពេលកន្លងមក។
ការផ្លាស់ប្ដូរដ៏ធំក្នុងពិភពកីឡាប្រណាំងរថយន្តនេះត្រូវប្រមុខ F1 អះអាងថាដើម្បីទុកអនុស្សាវរីយ៍ល្អៗដល់កុមារ ដែលពួកគេអាចថតរូបជាមួយកីឡាករល្បី និងដើម្បីឲ្យកុមារខ្លះមានក្ដីស្រមៃចង់ក្លាយជាកីឡាករប្រណាំងរថយន្តនៅថ្ងៃអនាគត។ ការប្រើប្រាស់កុមារនេះក៏ជាសញ្ញាថាកុមារគឺជាទំពាំងស្នងឫស្សីផងដែរ។
នេះមិនមែនជារឿងថ្មីទេក្នុងវិស័យកីឡា ជាក់ស្ដែងនៅក្នុងបាល់ទាត់ការប្រើប្រាស់កុមារដើម្បីឈរអមកីឡាករមានតាំងពីយូរណាស់មកហើយដូចជាការប្រកួត World Cup និងក្របខ័ណ្ឌនៅអឺរ៉ុបជាភស្តុតាងស្រាប់។ យ៉ាងណាការផ្លាស់ប្ដូរខាងលើរងការរិះគន់ពីសំណាក់អតីតប្រមុខ F1 លោក Bernie Ecclestone៕
