- 2018-02-04 01:14:41
- ព័ត៌មាន
ក្រុមជើងឯកឆ្នាំចាស់នៅបាត់ដំបងបាត់សមាជិកច្រើននាក់ក៏អត់បារម្ភកៅអីទៅភ្នំពេញ
- 2018-02-04 01:14:41
- ចំនួនមតិ 0 | ចំនួនចែករំលែក 0
ក្រុមជើងឯកឆ្នាំចាស់នៅបាត់ដំបងបាត់សមាជិកច្រើននាក់ក៏អត់បារម្ភកៅអីទៅភ្នំពេញ
ចន្លោះមិនឃើញ
ក្រុមជើងឯកឆ្នាំចាស់សសយកខេត្តបាត់ដំបង Cដែលដូរមកឈ្មោះ ធនាគារស្រូវកម្ពុជានៅតែរំពឹងខ្ពស់ទទួលបានកៅអីឡើងទៅជុំផ្ដាច់ព្រ័ត្រនៅរាជធានីភ្នំពេញនៃការប្រកួតបាល់ទាត់ Tiger Street Football Festival 2018 ប្រចាំមណ្ឌលបាត់ដំបង។
កីឡាករ ភួ អធិសក្តិ ដែលជាប្រធានក្រុមធនាគារស្រូវកម្ពុជាបានឲ្យដឹងថា ក្រុមរបស់ខ្លួនពីឆ្នាំមុនឈ្មោះសសយកខេត្តបាត់ដំបង C ដែលជាជើងឯកប្រចាំមណ្ឌលបាត់ដំបង ប៉ុន្តែបានរំសាយសមាជិកមកបង្កើតក្រុមថ្មីឈ្មោះធនាគារស្រូវកម្ពុជាវិញ។ សម្រាប់សមាជិកចាស់នៅសល់តែ៤នាក់ប៉ុណ្ណោះដែលនៅលេងជាមួយក្រុមថ្មីនេះ ខណៈសមាជិកផ្សេងទៀតទៅលេងក្រុមផ្សេងដូចជាក្រុម FC CROWN និងក្រុម BATTAMBANG CROWN ជាដើម។
ប្រធានក្រុមរូបនេះបានបញ្ជាក់ថា ក្រុមរបស់គេនៅតែសង្ឃឹមឡើងដល់វគ្គផ្តាច់ព្រ័ត្រដើម្បីទទួលបានកៅអីឆ្ពោះទៅជុំផ្តាច់ព្រ័ត្រនៅរាជធានីភ្នំពេញ។ ពីព្រោះតាមរយៈសមាជិកចាស់៤នាក់ និងសមាជិកថ្មីទៀត៣នាក់សុទ្ធតែមានបទពិសោធច្រើនឆ្នាំដូចគ្នា ដូច្នេះគ្មានអ្វីបារម្ភច្រើនឡើយ។
ទោះបីជាយ៉ាងណា ការប្រកួតឆ្នាំតឹងតែងជាងឆ្នាំមុនដោយសារក្រុមមានច្រើនជាងកាលពីឆ្នាំ២០១៧ពោលគឺកើនឡើងជិត២០ក្រុម ដូច្នេះមិនងាយស្រួលទេសម្រាប់ថ្ងៃចុងក្រោយនេះដែលត្រូវលេងច្រើនប្រកួតមុនដល់វគ្គផ្តាច់ព្រ័ត្រ។
ការប្រកួតបាល់ទាត់ Tiger Street Football Festival 2018 ប្រចាំមណ្ឌលបាត់ដំបងនឹងជ្រើសរើសយកក្រុមចំនួន៦ឡើងទៅវគ្គជុំផ្តាច់ព្រ័ត្រទូទាំងប្រទេសនៅរាជធានីភ្នំពេញ។ ក្រុមជយលាភីប្រចាំខេត្តបាត់ដំបងនេះ ក្រុមចំណាត់ថ្នាក់លេខ១នឹងទទួលបានប្រាក់រង្វាន់ ១ ៥០០ដុល្លារ ក្រុមលេខ២ទទួលបាន១០០០ដុល្លារ ក្រុមលេខ៣ទទួលបាន៥០០ដុល្លារនិងក្រុមលេខ៤ទទួលបាន២០០ដុល្លារ។
បងប្អូនអាចទស្សនាបានការផ្សាយផ្ទាល់លើផេកផ្លូវការ Tiger Beer ពីព្រឹកហូតដល់ល្ងាច និងតាមកញ្ចក់ទូរទស្សន៍ រស្មីហង្សមាស ចាប់ពីម៉ោង៤ដល់៦ល្ងាច៕
មកស្គាល់ក្រុមជើងឯកប្រចាំមណ្ឌលទាំង៥កាលពីឆ្នាំ២០១៧
មកស្គាល់ដៃគូប្រកួតពាន Tiger Street Football Festival 2018 ខេត្តបាត់ដំបង
វិធីងាយស្រួល២យ៉ាងចូលរួមប្រកួត Tiger Street Football Festival 2018
