- 2020-03-18 11:27:10
- ព័ត៌មាន
ក្រោយកីឡាករ Juve ២នាក់ឆ្លងកូរ៉ូណា Sarri ត្រូវបានក្លឹបចាត់វិធានការតឹងតែងជាងគេ
- 2020-03-18 11:27:10
- ចំនួនមតិ 0 | ចំនួនចែករំលែក 0
ក្រោយកីឡាករ Juve ២នាក់ឆ្លងកូរ៉ូណា Sarri ត្រូវបានក្លឹបចាត់វិធានការតឹងតែងជាងគេ
ចន្លោះមិនឃើញ
ក្រោយពីកីឡាករ Juventus ២រូបបានឆ្លងជំងឺកូវីដ ១៩ បុគ្គលិកក្លឹប ក៏ដូចជាកីឡាករសរុប ១២១ ត្រូវបានដាក់ឲ្យនៅដោយឡែក ប៉ុន្តែលោក Maurizio Sarri ត្រូវបានក្លឹបតាមដានជាប់ជាងគេ ក៏ព្រោះតែលោកជាអ្នកជក់បារី ហើយធ្លាប់មានបញ្ហារលាកសួត។
បើតាមការទម្លាយរបស់មិត្តជិតស្និទ្ធរបស់លោកនៅកាសែតអ៊ីតាលីបានឲ្យដឹងថា លោក Sarri មិនបានត្រលប់ទៅផ្ទះរបស់លោក ដែលនៅក្នុងសង្កាត់ Figline នៃទីក្រុង Florence ទេ ប៉ុន្តែលោកស្នាក់នៅទីក្រុង Turin ដែលជាមូលដ្ឋានរបស់ក្លឹប Juventus។
ប្រភពមួយនោះបានបន្តថា អំឡុងពេលដែលគ្មានបាល់ទាត់ និងការជួបជុំ Sarri បានមើលប្រកួតបាល់ទាត់សារឡើងវិញនៅក្នុងកញ្ចក់ទូរទស្សន៍ ហើយបានស្នាក់នៅជាមួយមិត្តភ័ក្ដិតាំងពីកុមារភាព។
លោក Sarri ធ្លាប់ទម្លាយប្រាប់ថា លោកចូលចិត្តជក់បារីណាស់ ដោយជក់រហូតដល់ទៅ ៦០ដើមក្នុងមួយថ្ងៃ ប៉ុន្តែលោកបានរងគ្រោះដោយជំងឺរលាកសួត កាលពីដើមរដូវកាលកន្លងទៅ ដែលតម្រូវឲ្យលោកសម្រាកជាង ២សប្ដាហ៍៕