- 2020-02-28 11:24:19
- បាល់ទាត់
ក្លឹប Newcastle ចាប់ផ្ដើមហាមកីឡាករមិនឲ្យចាប់ដៃ ក្នុងពេលហ្វឹកហាត់!
- 2020-02-28 11:24:19
- ចំនួនមតិ 0 | ចំនួនចែករំលែក 0
ក្លឹប Newcastle ចាប់ផ្ដើមហាមកីឡាករមិនឲ្យចាប់ដៃ ក្នុងពេលហ្វឹកហាត់!
ចន្លោះមិនឃើញ
លោក Steve Bruce អ្នកចាត់ការក្លឹបអង់គ្លេស Newcastle United បាននិយាយនៅក្នុងពេលថ្មីៗនេះថា នៅក្នុងទីលានហ្វឹកហាត់របស់ក្លឹបលោក មិនអនុញ្ញាតឲ្យ កីឡាករចាប់ដៃគ្នាទៀតឡើយ ដោយសារភ័យខ្លាចឆ្លង ជំងឺរលាកផ្លូវដង្ហើម ខូវិដ-១៩។
លោក Bruce បាននិយាយថា ៖ " នៅក្នុងក្លឹបរបស់យើងមានទំនៀមទម្លាប់មួយ គឺតែងតែចាប់ដៃគ្នា រាល់ពេលជួបគ្នាពេលព្រឹក តែឥឡូវ យើងមិនអនុញ្ញាតឲ្យចាប់គ្នាទៀតឡើយ ដោយសារតែគ្រូពេទ្យហាមឃាត់" ។
អ្នកចាត់ការរូបនេះបានបន្តថា ៖ " យើងដូចមនុស្សគ្រប់គ្នាដែរ តាមដានព័ត៌មានជាប់រហូត ហើយសង្ឃឹមថាប្រទេសអង់គ្លេសមិនជួបជំងឺនេះធ្ងន់ធ្ងរតទៅទៀត " ។
គួរបញ្ជាក់ផងដែរថា ជំងឺរលាកផ្លូវដង្ហើម ខូវិដ-១៩ជា ជំងឺរលាកផ្លូវដង្ហើមដ៏ធ្ងន់ធ្ងរ ដែលមានអត្រាអ្នកឆ្លងនៅក្នុងប្រទេស អង់គ្លេស សរុបចំនួន ១៥ករណីហើយបើគិតមកទល់ពេលនេះ៕