- 2020-02-26 04:20:29
- ព័ត៌មាន
ទីក្រុង Barcelona រកឃើញស្ត្រីម្នាក់ឆ្លងវីរុសកូរ៉ូណា ក្រោយធ្វើដំណើរពីអ៊ីតាលី
- 2020-02-26 04:20:29
- ចំនួនមតិ 0 | ចំនួនចែករំលែក 0
ទីក្រុង Barcelona រកឃើញស្ត្រីម្នាក់ឆ្លងវីរុសកូរ៉ូណា ក្រោយធ្វើដំណើរពីអ៊ីតាលី
ចន្លោះមិនឃើញ
ស្ត្រីម្នាក់ត្រូវបានពិនិត្យរកឃើញឆ្លងវីរុសកូរ៉ូណា ក្រោយធ្វើដំណើរពីប្រទេសអ៊ីតាលី ចូលមកកាន់ទីក្រុង Barcelona ប្រទេសអេស្ប៉ាញ។
ស្ត្រីជាជនជាតិអ៊ីតាលីវ័យ៣៦ឆ្នាំដែលមិនទាន់បញ្ចេញឈ្មោះគឺបានមករស់នៅទីក្រុង Barcelona ហើយកំពុងបញ្ជូនឲ្យសម្រាកព្យាបាលដាច់ដោយឡែកពីគេនៅមន្ទីរពេទ្យទីក្រុងដែលស្ថិតនៅតំបន់កាតាឡាន់។ នាងបានឆ្លងជំងឺ បន្ទាប់ពីចំណាយពេល១០ថ្ងៃទៅជួបជុំគ្រួសារនិងមិត្តភ័ក្ដិនៅទីក្រុង Milan និង Bergamo ប្រទេសអ៊ីតាលី។ នេះគឺជាករណីឆ្លងទី៣កើតឡើងនៅប្រទេសអេស្ប៉ាញ។
អាជ្ញាធរសុខាភិបាលកាតាឡាន់បានដាក់មនុស្សចំនួន២៥នាក់ដែលបានទាក់ទងស្ដ្រីខាងលើឲ្យនៅដាច់ឆ្ងាយពីគេ ហើយកំពុងធ្វើតេស្តដើម្បីដឹងថាតើពួកគេមានវីរុសនេះដែរឬទេ។
ទីក្រុង Barcelona ជាមូលដ្ឋានរបស់ក្រុមបាល់ទាត់ FC Barcelona។ ការជ្រាបចូលនៃវីរុសកូរ៉ូណាមកកាន់ទីក្រុង Barcelona និងប្រទេសអេស្ប៉ាញក៏អាចជះឥទ្ធិពលអាក្រក់ដល់បាល់ទាត់ប្រទេសនេះផងដែរ។ ជាក់ស្ដែងលីគកំពូលរបស់អ៊ីតាលី Serie A ត្រូវបានផ្អាកការលេងច្រើនប្រកួតដោយសារបារម្ភពីការរាតត្បាតនៃវីរុស។ Barcelona ក៏ទើបត្រលប់ពីប្រទេសអ៊ីតាលីវិញដែរ ក្រោយបញ្ចប់ការប្រកួត ១-១ ជាមួយ Napoli៕
