- 2020-02-24 13:12:27
- ព័ត៌មាន
ក្លឹប PL ចាប់ផ្ដើមចេញវិធានការសុវត្ថិភាព ក្រោយមានផ្ទុះវីរុសកូរ៉ូណានៅអឺរ៉ុប
- 2020-02-24 13:12:27
- ចំនួនមតិ 0 | ចំនួនចែករំលែក 0
ក្លឹប PL ចាប់ផ្ដើមចេញវិធានការសុវត្ថិភាព ក្រោយមានផ្ទុះវីរុសកូរ៉ូណានៅអឺរ៉ុប
ចន្លោះមិនឃើញ
កាលពីពេលថ្មីៗនេះ មានការកើនឡើងនូវចំនួនអ្នកឆ្លងនូវវីរុសផ្លូវដង្ហើមប្រភេទថ្មី Covid19 ដែលបណ្ដាលឲ្យមានការព្រួយបារម្ភយ៉ាងខ្លាំងដល់វិស័យបាល់ទាត់អឺរ៉ុប។ ចំណែកនៅលីគកំពូលអង់គ្លេសវិញ ក្លឹបមួយចំនួនបានចេញវិធានការសុវត្ថិភាពមួយចំនួនទាក់ទិននឹងរឿងនេះ។
ក្លឹបភាគច្រើនបានដាក់នូវទឹកសម្អាតដៃបន្ថែមខុសពីធម្មតា ហើយព្រមទាំងដាក់សញ្ញារម្លឹកឲ្យអ្នកគាំទ្រលាងដៃឲ្យបានញឹកញាប់ផងដែរ នេះបើតាមការចុះផ្សាយរបស់សារព័ត៌មានអង់គ្លេស The Sun។ បន្ថែមពីនេះទៅទៀត ក្រុមគ្រូពេទ្យនៅនឹងកីឡដ្ឋានក៏បានហ្វឹកហាត់ពីវិធានការបន្ទាន់ក្នុងការជួយអ្នកគាំទ្រ ក្នុងករណីអកុសលណាមួយកើតឡើង។
The Sun បានចុះផ្សាយថា ក្លឹបធំៗអង់គ្លេសកំពុងតែព្រួយបារម្ភពីផលប៉ះពាល់នៃវីរុសមួយនេះ ខណៈមានប្រកួតជាច្រើននឹងត្រូវលេងក្នុងសប្ដាហ៍នេះ។
នៅចក្រភពអង់គ្លេសមានអ្នកឆ្លងជំងឺ Covid19 ចំនួន ១៣ករណី ខណៈការព្រួយបារម្ភកាន់តែខ្លាំងឡើងៗនៅរយៈពេលចុងក្រោយនេះ ដោយសារតែមានការត្រលប់មកវិញនូវជនជាតិអង់គ្លេសនៅកប៉ាល់ Diamond Princess ចំនួន ៣២នាក់ ហើយជាពិសេសគឺ មានការកើនឡើងយ៉ាងគំហុកនូវអ្នកឆ្លងជំងឺនេះនៅអ៊ីតាលី៕