/5e47e10d238cf_1581768960_medium.jpg)
- 2020-02-15 12:35:54
- បាល់ទាត់
ក្រុម ពូថៅហោះ លត់ ក្រុមនាគរាជ ២-១ បន្តដំណើរទៅប្រកួតទី២ស្អែកនៅមណ្ឌលកំពត
- 2020-02-15 12:35:54
- ចំនួនមតិ 0 | ចំនួនចែករំលែក 0
ក្រុម ពូថៅហោះ លត់ ក្រុមនាគរាជ ២-១ បន្តដំណើរទៅប្រកួតទី២ស្អែកនៅមណ្ឌលកំពត
ចន្លោះមិនឃើញ
ក្រុមបាល់ទាត់ ពូថៅហោះ បន្តដំណើរទៅជុំទី២ទៀតហើយ បន្ទាប់ពីយកឈ្នះក្រុមនាគរាជ ដោយលទ្ធផល ២-១ ល្ងាចមិញនេះ នៃថ្ងៃបើកឆាកប្រកួតជម្រុះនៅមណ្ឌលខេត្តកំពត ពានរង្វាន់ Tiger Street Football 2020។
ការប្រកួតជម្រុះនៅថ្ងៃទី១ ក្នុងមណ្ឌលខេត្តកំពតនេះបានបញ្ចប់ទៅ ក្រោយចំណាយពេលពេញមួយថ្ងៃ និងត្រូវជា៣៦ប្រកួតរួចមក។ សម្រាប់ក្រុមពូថៅហោះ ដែលបានប្រកួតរសៀលថ្ងៃមិញនេះក្នុងជុំទី១របស់ខ្លួននោះ គឺធ្វើបានល្អដោយអាចយកឈ្នះលើក្រុមនាគរាជ ២-១ នៅម៉ោងបន្ថែមសល់គ្នាតែ២នាក់។
ពូថៅហោះ ស្ទើរតែនិងធ្លាក់ទៅហើយដោយសារតែ ក្រុមនាគរាជ ព្រោះត្រូវគេនាំមុខមុន ១-០ ប៉ុន្តែខ្លួនបានស្វែងរកគ្រាប់បាល់បាន១គ្រាប់វិញ ធ្វើឲ្យការប្រកួតបន្តដំណើរដោយលទ្ធផល ១-១។ ការប្រកួតឈានដល់ម៉ោងបន្ថែម១នាទី និងដកកីឡាករចេញ ១នាក់ លទ្ធផលនៅតែស្មើ ១-១ ដដែលខណៈការបន្ថែមម៉ោងឈានដល់លើកទី២ ដកកីឡាករ១នាក់ទៀតចេញសល់តែ៣នាក់ទើបក្រុមពូថៅហោះ អាចស៊ុតចូល១គ្រាប់ទៀត និងបញ្ចប់ការប្រកួតភ្លាមៗតែម្ដង។
ក្រុមបាល់ទាត់ ពូថៅហោះ នឹងត្រូវប្រកួតជុំទី២ របស់ខ្លួននៅថ្ងៃស្អែកនេះ ដោយប៉ះជាមួយក្រុម Jack Sports A។ ការប្រកួតជម្រុះរកជើងឯកមណ្ឌលខេត្តកំពត នេះធ្វើឡើងរយៈពេល២ថ្ងៃ គឺចាប់ពីថ្ងៃទី១៥ ដល់ទី១៦ ទើបបញ្ចប់។ សម្រាប់មណ្ឌលខាងលើនេះគឺតម្រូវយកក្រុមខ្លាំងចំនួន ៦ ឡើងទៅវគ្គផ្ដាច់ព្រ័ត្រទូទាំងប្រទេសនៅថ្ងៃទី២៩ កុម្ភៈ និងទី១ មីនា ២០២០ ឯរាជធានីភ្នំពេញ។
ក្រុមឈ្នះលេខ១ ទទួលបានប្រាក់រង្វាន់ ១ ៥០០ដុល្លារ
ក្រុមឈ្នះលេខ២ ទទួលបានប្រាក់រង្វាន់ ១ ០០០ដុល្លារ
ក្រុមឈ្នះលេខ៣ ទទួលបានប្រាក់រង្វាន់ ៥០០ដុល្លារ
ក្រុមឈ្នះលេខ៤ ទទួលបានប្រាក់រង្វាន់ ២០០ដុល្លារ
មណ្ឌលបន្ទាប់ពីខេត្តកំពតគឺ៖
មណ្ឌល តាកែវ
តាកែវ ព្រៃវែង ស្វាយរៀង ដាក់ពាក្យនៅមណ្ឌល ខេត្តតាកែវ
ឈប់ទទួលពាក្យ ថ្ងៃទី១៩ កុម្ភៈ ២០២០
ប្រកួតថ្ងៃទី២២,២៣ កុម្ភៈ ២០២០
មណ្ឌល ភ្នំពេញ
កណ្ដាល ភ្នំពេញ ដាក់ពាក្យនៅមណ្ឌល រាជធានីភ្នំពេញ
ឈប់ទទួលពាក្យ ថ្ងៃទី២៣ កុម្ភៈ ២០២០
ប្រកួតថ្ងៃទី២៦,២៧,២៨ កុម្ភៈ ២០២០
ប្រកួតវគ្គផ្ដាច់ព្រ័ត្រនៅភ្នំពេញ ប្រាក់រង្វាន់សរុប៥ម៉ឺនដុល្លារ ធ្វើនៅកោះពេជ្រ នៅថ្ងៃទី ២៩ កុម្ភៈ ដល់ថ្ងៃទី១ មីនា ឆ្នាំ២០២០៕
