- 2020-01-18 17:21:37
- បាល់ទាត់
Man City លេងស្មើថ្ងៃខួបកំណើត Pep ធ្វើឲ្យ Liverpool កាន់តែបានចិត្ត
- 2020-01-18 17:21:37
- ចំនួនមតិ 0 | ចំនួនចែករំលែក 0
Man City លេងស្មើថ្ងៃខួបកំណើត Pep ធ្វើឲ្យ Liverpool កាន់តែបានចិត្ត
ចន្លោះមិនឃើញ
Manchester City បានត្រឹមស្មើគ្នា ២ទល់នឹង២ប៉ុណ្ណោះក្នុងការប្រកួត Premier League សប្ដាហ៍ទី២៣ទល់នឹង Crystal Palace។
លទ្ធផលស្មើគ្នានេះនឹងធ្វើឲ្យគម្លាតពិន្ទុកាន់តែដាច់ឆ្ងាយថែមទៀតបើសិនជា Liverpool អាចយកឈ្នះ Manchester United បាននៅថ្ងៃស្អែក។ ការប្រកួតដែលបញ្ចប់ទៅនៅមុននេះបន្តិច ម្ចាស់ផ្ទះត្រូវ Crystal នាំមុខមុនតាំងនាទី៣៩ដោយខ្សែប្រយុទ្ធចំណូលថ្មី Cenk Tosun។
City តាមស្មើបានវិញនៅនាទី៨២ និងនាំមុខនៅនាទី៨៧ សុទ្ធតែជាគ្រាប់បាល់របស់ Sergio Aguero ប៉ុន្តែលោក Pep Guardiola បែរជារងលទ្ធផលខកចិត្តនៅថ្ងៃកំណើតរបស់ខ្លួនក្រោយពេល Fernandinho ធ្វើឲ្យចូលទីខ្លួនឯងនៅនាទី៩០។
Liverpool នឹងដាច់១៦ពិន្ទុពី City បើសិនឈ្នះ United នៅថ្ងៃស្អែកជាមួយនឹង១ប្រកួតសល់ក្នុងដៃ ខណៈ Leicester នឹងមាន៤៨ពិន្ទុស្មើគ្នាជាមួយក្រុមរហស្សនាម ពណ៌ផ្ទៃមេឃនេះបើអាចយកឈ្នះ Burnley បាន៕
