- 2019-12-25 12:54:48
- បាល់ទាត់
Mahrez ទម្លាយចំៗថា កីឡាករសំខាន់ ២រូបរបស់ Man City នឹងចាកចេញឆ្នាំក្រោយ
- 2019-12-25 12:54:48
- ចំនួនមតិ 0 | ចំនួនចែករំលែក 0
Mahrez ទម្លាយចំៗថា កីឡាករសំខាន់ ២រូបរបស់ Man City នឹងចាកចេញឆ្នាំក្រោយ
ចន្លោះមិនឃើញ
ខ្សែស្លាបអាល់ហ្សេរី Riyad Mahrez បាននិយាយក្នុងល្បែងកម្សាន្តមួយរបស់ Sky Sports កាលពីពេលថ្មីៗនេះថា ខ្សែបម្រើអេស្ប៉ាញ David Silva និងខ្សែបម្រើប្រេស៊ីល Fernandinho នឹងចាកចេញពីក្លឹបនៅរដូវក្ដៅឆ្នាំក្រោយ។
នៅក្នុងអំឡុងពេលល្បែងកម្សាន្តនោះ Mahrez បានលេងជាមួយខ្សែការពារស្លាបបារាំង Bejamin Mendy ដោយឆ្លើយសំណួរពីនេះពីនោះជាច្រើន។ មានសំណួរមួយ ពិធីករល្បែងនេះបានសួរថា៖ " តើកីឡាករណា ដែលបានប្រកាសថានឹងចាកចេញនៅរដូវក្ដៅឆ្នាំក្រោយ ? '' ។
Mahrez ក៏ចុចប៊ូតុងយ៉ាងលឿន ហើយឆ្លើយថា៖ " David [Silva] និង Fernandinho '' ។ ក្នុងពេលនោះដែរ Mendy ក៏ធ្វើមុខប្រតិកម្ម ដែលបង្ហាញឲ្យឃើញថា Mahrez ច្រឡំមាត់ទម្លាយការចាកចេញរបស់ Fernandinho។
ចំណែកឯរឿង Silva វិញ កីឡាករអេស្ប៉ាញរូបនេះបានប្រកាសកាលពីពេលថ្មីៗនេះថា ខ្លួននឹងចាកចេញពីក្លឹប Manchester City ប៉ុន្តែមិនមានការប្រកាសណាពីខ្សែបម្រើប្រេស៊ីល Fernandinho ទេ៕