- 2019-11-03 02:06:17
- ព័ត៌មាន
អាស៊ាន និង FIFA ចុះ MoU សម្រាប់ការអភិវឌ្ឍសង្គម តាមរយៈបាល់ទាត់
- 2019-11-03 02:06:17
- ចំនួនមតិ 0 | ចំនួនចែករំលែក 0
អាស៊ាន និង FIFA ចុះ MoU សម្រាប់ការអភិវឌ្ឍសង្គម តាមរយៈបាល់ទាត់
ចន្លោះមិនឃើញ
កាលពីថ្ងៃទី២ ខែវិច្ឆិកា ឆ្នាំ២០១៩ សហព័ន្ធសមាគមបាល់ទាត់អន្តរជាតិ (FIFA) និងសមាគមប្រជាជាតិអាស៊ីអាគ្នេយ៍ (ASEAN) បានសម្រេចចុះអនុស្សរណៈយោគយល់ ដែលជាការសហប្រតិបត្តិការរវាងស្ថាប័នទាំង ២ ដើម្បីបង្កើនតួនាទីបាល់ទាត់ចំពោះការអភិវឌ្ឍសង្គម នៅក្នុងតំបន់អាស៊ាន។
នៅចំពោះមុខប្រមុខរដ្ឋអាស៊ាន ឯកឧត្ដមអគ្គលេខាធិការអាស៊ាន Dato Lim Jok Hoi និងលោក Gianni Infantino ប្រធាន FIFA បានចុះហត្ថលេខានៅលើ MoU នេះ នៅក្រៅកិច្ចប្រជុំកំពូលអាស៊ានលើកទី ៣៥ (Sideline Meeting)។
ក្នុង MoU នេះ ផ្ដោតលើតំបន់សំខាន់ៗ ៤ គឺ៖
លើកកម្ពស់បូរណភាពកីឡា
កីឡាសម្រាប់ការអភិវឌ្ឍ
បាល់ទាត់ FIFA សម្រាប់កម្មវិធីសាលារៀន
ការអភិវឌ្ឍសមត្ថភាពតាមបែបផែនអាជីព
ក្រៅពីនេះ MoU ក៏បើកឱកាសឲ្យក្មេងៗប្រឡូកក្នុងបាល់ទាត់ឲ្យបានច្រើនជាងមុន ការពារកុមារពីការកេងប្រវ័ញ្ច។ លើសពីនេះទៅទៀត MoU នេះ ក៏លើកកម្ពស់ការយល់ដឹងពី ការលេងតាមបែប Fair Play ការប្រយុទ្ធប្រឆាំងនឹងការប្រើប្រាស់សារធាតុញៀន (ក្នុងបាល់ទាត់) ព្រមទាំងបង្កើនការចូលរួមរបស់ស្ត្រី និងជនពិការក្នុងបាល់ទាត់ផងដែរ។
គិតមកទល់ពេលនេះ FIFA បានសហការជាមួយនឹងស្ថាប័នអន្តរជាតិមួយចំនួនដូចជា G20 ក្រុមប្រឹក្សាអឺរ៉ុប សហព័ន្ធអាហ្វ្រិក (African Union) អង្គភាពបារាំងដើម្បីការអភិវឌ្ឍ ហើយនិងអង្គភាពជាច្រើនទៀតរបស់អង្គការសហប្រជាជាតិ៕
ប្រភពអត្ថបទ និងរូបភាព៖ គេហទំព័រផ្លូវការរបស់អាស៊ាន