- 2019-10-10 11:17:45
- បាល់ទាត់
Neymar លើកឡើងមូលហេតុ Messi ទទួលការយកចិត្តទុកដាក់ខ្ពស់ពី Barca
- 2019-10-10 11:17:45
- ចំនួនមតិ 0 | ចំនួនចែករំលែក 0
Neymar លើកឡើងមូលហេតុ Messi ទទួលការយកចិត្តទុកដាក់ខ្ពស់ពី Barca
ចន្លោះមិនឃើញ
ខ្សែប្រយុទ្ធប្រេស៊ីល Neymar បាននិយាយក្នុងសន្និសីទកាសែតមុនការប្រកួតមិត្តភាពថា នៅប្រេស៊ីលខ្លួនជាកីឡាករដ៏សំខាន់មួយរូប ខណៈនៅ Barcelona ខ្សែប្រយុទ្ធ Lionel Messi ជាមនុស្សដែលគេឲ្យតម្លៃខ្ពស់។
កីឡាកររូបនេះបានលើកឡើងថា៖ " ខ្ញុំនៅជម្រើសជាតិប្រេស៊ីលជាង ១០ឆ្នាំហើយ។ ខ្ញុំតែងតែជាកីឡាករសំខាន់មួយរូប និងជាកីឡាករដែលបានបើកផ្លូវឲ្យមិត្តរួមក្រុម។ ម៉្យាងទៀតខ្ញុំតែងតែធ្វើបានល្អពេលលេងនៅជម្រើសជាតិ " ។
Neymar បានបន្តថា៖ " ពេលដែលកីឡាករបានបង្ហាញទម្រង់លេងល្អ គេនឹងទទួលបានការឲ្យតម្លៃខ្ពស់។ ជាក់ស្ដែងដូចនៅ Barcelona Messi ត្រូវបានគេឲ្យតម្លៃខ្ពស់។ តើដោយសារតែគេសង្ហារមែនទេ? មិនមែនទេ គឺដោយសារតែអ្វី ដែលគេបានធ្វើ។ ខ្ញុំនិយាយនេះ មិនមែននិយាយអួតខ្លួនឯងទេ តែនិយាយសំដៅលើកីឡាករទាំងអស់ ដែលបានឡើងដល់ចំណុចកំពូលនេះ " ។
គួរបញ្ជាក់ផងដែរថា Neymar បានបង្ហាញខ្លួនបាន ៩៩ប្រកួតហើយនៅប្រេស៊ីល ហើយរូបគេនឹងបង្ហាញខ្លួនក្នុងប្រកួតទី១០០ ពេលប៉ះសេណេហ្គាល់ នៅម៉ោង ៧យប់នេះ៕