- 2019-10-07 01:53:32
- បាល់ទាត់
Man Utd លើក្រុមស្ថិតនៅតំបន់កាត់ចោលតែ២ពិន្ទុគត់ ក្រោយចាញ់យប់មិញ
- 2019-10-07 01:53:32
- ចំនួនមតិ 0 | ចំនួនចែករំលែក 0
Man Utd លើក្រុមស្ថិតនៅតំបន់កាត់ចោលតែ២ពិន្ទុគត់ ក្រោយចាញ់យប់មិញ
ចន្លោះមិនឃើញ
ក្លឹប Manchester United បន្តធ្វើមិនបានល្អក្នុង Premier League រដូវកាលនេះ បន្ទាប់ពីចាញ់ Newcastle United ក្រៅដី ១-០ កាលពីយប់មិញ ធ្វើឲ្យពួកគេធ្លាក់ទៅលេខ១២។
ការប្រកួតនេះត្បិតតែ Man Utd មានស្ថិតិគ្រប់គ្រងបាល់បានច្រើនជាងមែន តែ Newcastle ទៅវិញទេដែលមានឱកាសទាត់ចំទីច្រើន ពោលដល់ទៅ៥ដង។ គ្រាប់បាល់របស់ក្រុមសារិកាព្រៃកើតនៅនាទី៧២ ធ្វើបានដោយកីឡាករ Matthew Longstaff។
ការចាញ់នេះធ្វើឲ្យបិសាចក្រហមបន្ថែមកំណត់ត្រាអាក្រក់ក្នុងការចាប់ផ្ដើមរដូវកាលក្នុងរយៈពេល៣០ឆ្នាំចុងក្រោយ។ បច្ចុប្បន្ន Man Utd ស្ថិតនៅលេខ១២ក្នុងតារាងពិន្ទុ លើក្រុមដែលស្ថិតនៅតំបន់កាត់ចោល Everton តែ២ពិន្ទុប៉ុណ្ណោះ៕