- 2019-10-03 12:06:12
- ព័ត៌មាន
Klopp ជួលផ្ទះវីឡារបស់អតីតគ្រូ Liverpool
- 2019-10-03 12:06:12
- ចំនួនមតិ 0 | ចំនួនចែករំលែក 0
Klopp ជួលផ្ទះវីឡារបស់អតីតគ្រូ Liverpool
ចន្លោះមិនឃើញ
អ្នកចាត់ការក្លឹប Liverpool លោក Jurgen Klopp បានជួលផ្ទះរបស់អតីតគ្រូបង្គោលរបស់ក្លឹបហង្សក្រហមនេះ លោក Bredan Rodgers (បច្ចុប្បន្នជាគ្រូបង្គោលក្លឹប Leicester City) នេះបើតាមការបញ្ជាក់របស់លោក Rodgers។
លោក Rodgers បានលើកឡើងថា៖ " ខ្ញុំអត់ចង់ធ្វើឲ្យភាពល្អក់កករទេ ដូច្នេះហើយទើបខ្ញុំជួលផ្ទះឲ្យ Klopp។ ខ្ញុំមានទំនាក់ទំនងល្អជាមួយលោក Ray Haughan ប្រធានរដ្ឋបាលរបស់ក្លឹប។ គាត់បានប្រាប់ថា Klopp ពិបាករកផ្ទះស្នាក់នៅក្បែរស្នាក់ការក្លឹប " ។
លោកបានបន្តថា៖ " ខ្ញុំយល់ថា អ្នកចាត់ការទើបតែមក ខំរកផ្ទះថ្មី ដើម្បីឲ្យគ្រួសារបានសប្បាយចិត្ត។ គេចង់ឲ្យគ្រួសារមានកន្លែងល្អ។ Klopp ក៏ស្នាក់នៅផ្ទះរបស់ខ្ញុំ តាំងពីពេលនោះមក " ។
ទាក់ទិននឹងរឿងនេះដែរ លោក Klopp បានប្រាប់សន្និសីទកាសែតបែបកំប្លែងថា៖ " ខ្ញុំមានរឿងត្រូវនិយាយច្រើនជាមួយ Rodgers ណាស់ដូចជា រឿងទឹក រឿងភ្លើង និងរឿងអាងហែលទឹកជាដើម " ។
គួរបញ្ជាក់ផងដែរថា លោក Rodgers បានដឹកនាំ Liverpool អំឡុង២០១២ រហូតដល់ការបញ្ចប់តំណែងនៅឆ្នាំ២០១៥៕