- 2019-10-31 10:48:27
- ព័ត៌មាន
UCL ជាប់ជាព្រឹត្តិការណ៍កីឡាល្បីជាងគេក្នុងបណ្ដាញសង្គម
- 2019-10-31 10:48:27
- ចំនួនមតិ 0 | ចំនួនចែករំលែក 0
UCL ជាប់ជាព្រឹត្តិការណ៍កីឡាល្បីជាងគេក្នុងបណ្ដាញសង្គម
ចន្លោះមិនឃើញ
បើយោងតាមរបាយការណ៍ទិដ្ឋភាពនៃក្លឹបរបស់កម្មវិធី UEFA ដែលចេញផ្សាយដោយ UEFA កាលពីពេលថ្មីៗនេះ បានឲ្យដឹងថា ព្រឹត្តិការណ៍ UEFA Champions League ជាកម្មវិធីកីឡាដែលល្បីជាងគេក្នុងបណ្ដាញសង្គម ដោយមានអ្នកតាមដានសរុបជាង ១៣៦លាននាក់។
ក្នុងចំណោម ១៣៦លាននាក់នោះ មានអ្នកតាមដាននៅលើទំព័រហ្វេសប៊ុក ចំនួន ៦៧លាននាក់ តាម Instagram ចំនួន ៤៣លាននាក់ អ្នកតាមដាននៅ Twitter ចំនួន ២៤លាននាក់ និងអ្នក Subscribe នៅលើ Channel Youtube ចំនួនជាង ២លាននាក់។
តាមពីក្រោយ កម្មវិធីក្របខ័ណ្ឌកំពូលអឺរ៉ុបនេះគឺ ព្រឹត្តិការណ៍លីគនៃបាល់បោះរបស់សហរដ្ឋអាមេរិក ដែលមាន អ្នកតាមដានជាង ១១៦លាននាក់ ខណៈ Premier League ជាប់លេខ ៣ ដោយមានអ្នកតាមដាន ៩២លាននាក់ (មិនរាប់បញ្ចូលទាំង Channel Youtube ដោយទើបតែបង្កើតនៅខែសីហា ឆ្នាំ២០១៩)។
លេខ ៤ បានទៅលើ La Liga ដោយមានអ្នកតាមដានចំនួន ៨៥លាននាក់ ហើយលេខ ៥បានទៅលើ FIFA World Cup ដែលមាន ៧៤លាននាក់៕