- 2019-08-30 01:51:38
- បាល់ទាត់
សរសើរ Ronaldo មិនឈ្នះពានសោះ ក៏ចូលរួម ថែមទាំងបោះពាក្យម៉ឺងម៉ាត់ទៀត
- 2019-08-30 01:51:38
- ចំនួនមតិ 0 | ចំនួនចែករំលែក 0
សរសើរ Ronaldo មិនឈ្នះពានសោះ ក៏ចូលរួម ថែមទាំងបោះពាក្យម៉ឺងម៉ាត់ទៀត
ចន្លោះមិនឃើញ
Cristiano Ronaldo បានចូលរួមកម្មវិធី UEFA កាលពីយប់មិញនេះ ទាំងដែលខ្លួនមិនបានឈ្នះពានរង្វាន់អ្វីសោះពីកម្មវិធីខាងលើនេះ។
បទសម្ភាសនៅយប់មិញ Ronaldo បាននិយាយថា៖ “ខ្ញុំបានចម្លែកក្នុងចិត្តដែរ ព្រោះយើងបាន Share ពាននេះអស់រយៈពេល១៥ឆ្នាំមកហើយ ខ្ញុំនិង Messi ។ ខ្ញុំមិនច្បាស់ទេថាមានរឿងដូចខ្ញុំនិងគាត់បានកើតឡើងក្នុងពិភពបាល់ទាត់ កីឡាករ២នាក់បាននៅលើឆាកជាមួយគ្នាច្រើនឆ្នាំ។ ដូច្នេះវាមិនមែនជារឿងងាយស្រួលទេ។ ច្បាស់ណាស់ យើងមានទំនាក់ទំនងល្អ យើងមិនទាន់បានញ៉ាំអាហារពេលល្ងាចជាមួយគ្នាមែន ប៉ុន្តែខ្ញុំសង្ឃឹមថានឹងកើតឡើង”។
Ronaldo និង Messi បានឈ្នះពានរង្វាន់ Ballon d'Or ៥ដងដូចគ្នា ហើយលើកនេះក៏មានឈ្មោះក្នុងពានរង្វាន់ UEFA Best Player ថែមទៀត ប៉ុន្តែមិនបានឈ្នះឡើយ ព្រោះពាននេះគឺបានទៅលើ van Dijk ខ្សែការពាររបស់ក្រុមជម្រើសជាតិហុល្លង់ និងក្រុម Liverpool ។ ត្បិតតែយ៉ាងនេះក្ដី កីឡាករ Juventus បានបញ្ជាក់ថាលោកមិនអស់សង្ឃឹមឡើយ ហើយរដូវកាលនេះនិងរដូវកាលបន្ទាប់ៗទៀត នឹងប្រឹងប្រែងផ្ទេរដង ដើម្បីមកបង្ហាញខ្លួនលើឆាកនេះ។ អាយុរបស់គេ គឺគ្រាន់តែជាលេខប៉ុណ្ណោះ សាមីខ្លួនគិតថានៅមានកម្លាំងនិងសមត្ថភាពអាចប្រជែងបន្ដបាន៕