- 2019-08-23 03:18:22
- បាល់ទាត់
Emery ប្រាប់ Elneny និង Mustafi ត្រង់ៗថាគួរតែចេញពី Arsenal
- 2019-08-23 03:18:22
- ចំនួនមតិ 0 | ចំនួនចែករំលែក 0
Emery ប្រាប់ Elneny និង Mustafi ត្រង់ៗថាគួរតែចេញពី Arsenal
ចន្លោះមិនឃើញ
Unai Emery ណែនាំឲ្យ Shkodran Mustafi និង Mohamed Elneny ស្វែងរកទ្រនំថ្មីនៅក្លឹបដទៃ បន្ទាប់ពីអ្នកទាំងពីរមិនស្ថិតនៅក្នុងផែនការរបស់លោក។
ខ្សែការពារ Mustafi បានធ្លាក់ទម្រង់លេងខ្លាំងតាំងពីរដូវកាលមុន និងមិនទាន់បានលេង១ប្រកួតនៅឡើងទេចាប់តាំងពីបើករដូវកាលថ្មីមក ស្របពេលខ្សែបម្រើអេហ្ស៊ីប Elneny ក៏មានវាសនាមិនខុសគ្នាគឺ គ្មានជម្រើសទាំងប្រកួតប៉ះ Newcastle United និង Burnley។
ខណៈទីផ្សារដោះដូរនឹងបិទទ្វារថ្ងៃទី២ ខែកញ្ញានេះ Emery បានប្រាប់ឲ្យសមាជិក Arsenal ទាំងពីរស្វះស្វែងរកក្លឹបណាដែលធានាកៅអីពួកគេបាន។ "យើងមានកីឡាករមួយចំនួនដែលបានដឹងពីស្ថានភាពរបស់ពួកគេ។ ជាក់ស្ដែងគឺ Elneny និង Mustafi បានដឹងច្បាស់ពីខ្លួនឯង។ ខ្ញុំចង់ឲ្យកីឡាករទាំងអស់រីករាយនៅក្លឹប មិនចង់ឃើញអ្នកណាមិនសប្បាយចិត្តព្រោះមិនបានលេងទេ"។ បុរសសញ្ជាតិអេស្ប៉ាញនិយាយ៕
