- 2019-08-18 04:19:00
- បាល់ទាត់
VAR បង្កើតប្រវត្តិសាស្ត្រច្រំដែលរវាង Man City និង Spurs
- 2019-08-18 04:19:00
- ចំនួនមតិ 0 | ចំនួនចែករំលែក 0
VAR បង្កើតប្រវត្តិសាស្ត្រច្រំដែលរវាង Man City និង Spurs
ចន្លោះមិនឃើញ
អ្នកគាំទ្រ Man City គួរតែដើរចេញពីកីឡដ្ឋានជាមួយក្តីសប្បាយរីករាយនៅពេលដែល Gabriel Jesus បំប៉ោងសំណាញ់ទីចុងម៉ោង។ Pep Guardiola និង Sergio Agüero ដែលបានប្រទូសរ៉ាយរវាងគ្រូនិងសិស្សកាលពីពាក់កណ្ដាលតង់ទី២ក៏ប្រែជាល្អូកល្អឺននិងគ្នាវិញ។
តារាងពិន្ទុលោតឡើង Man City នាំមុខ Spurs ៣-២ នៅនាទី ៩០+៣ ទៅហើយ។ កីឡាករ Spurs ក៏អស់សង្ឃឹមព្រោះដឹងថាពួកគេអស់ម៉ោង ហើយដឹងតែចាញ់ទៅហើយ។ ប៉ុន្តែ អាជ្ញាកណ្ដាល Michael Oliver ធ្វើសញ្ញាឆែក VAR។
គ្រាប់បាល់ចុងម៉ោង អាជ្ញាកណ្ដាលមិនផ្តល់ឲ្យ Man City ក្រោយឃើញបាល់ប៉ះដៃ Aymeric Laporte មុនពេលបាល់ធ្លាក់មកដល់ជើង Jesus ដែលជាអ្នកបញ្ចប់ទី។
សម្រាប់ក្រុមរហស្សនាមផ្ទៃមេឃ VAR មិនទាន់ឲ្យពួកគេបាត់ឈឺចាប់នៅឡើយសម្រាប់ការកាត់សេចក្ដីដ៏ចម្រូងចម្រាសធ្វើឲ្យ Man City ធ្លាក់វគ្គ៨ក្រុមចុងក្រោយ Champions League កាលពីខែមេសា។
ថ្លែងក្រោយចប់ការប្រកួត Guardiola បាននិយាយថា មន្ត្រី VAR គួរតែមានតម្លាភាពជាងនេះ។ "រដូវកាលមុនបាល់ offside ពេលនេះបាល់ប៉ះដៃ។ បើបាល់ប៉ះដៃឲ្យដឹងប៉ះដៃ វាជាការសម្រេចចិត្តនៅក្នុងទីក្រុងឡុង ខ្ញុំមិនអាចធ្វើអ្វីបានទេ។ យើងគួរតែធ្វើឲ្យវាមានតម្លាភាពបន្តិច។ បើវាជាបាល់ប៉ះដៃ Aymeric Laporte ហេតុអ្វីបានជារដូវកាលមុន មិនថាវាជាបាល់ប៉ះដៃ Fernando Llorente ផង?”។
គ្រូបង្វឹកអេស្ប៉ាញបានលើកឧទាហរណ៍ Liverpool Chelsea នៅពេលដែលអ្នកចាំទី Adrian សង្រ្គោះបាល់ Tammy Abraham។ លោកថា តាមរយៈវីដេអូ Adrian បានរំកិលហួសទៅមុខខ្សែបន្ទាត់សំណាញ់ទី ហើយបើតាមច្បាប់ថ្មី ត្រូវឲ្យប៉េណាល់ទីម្ដងទៀត ប៉ុន្តែមន្ត្រី VAR មិនអន្តរាគមន៍។
លោក Pochettino ក៏បានយល់ស្របស្រដៀងនឹង Guardiola ត្រង់ចំណុចទាំងនោះ។ គ្រូបង្វឹក Spurs បាននិយាយថា“ខ្ញុំធ្លាប់បានរិះគន់ VAR តាំងពីមុនមកម្ល៉េះ ប៉ុន្តែគេមិនចង់លឺអ្នកគ្រប់គ្រងត្អូញត្អែរទេ។ វាជាផ្នែកមួយនៃការប្រកួតនៅពេលនេះ ច្បាប់គឺជាច្បាប់ ហើយយើងត្រូវតែទទួលយក។ តាមពិតទៅ ខ្ញុំនៅតែចូលចិត្តមើលការប្រកួតដូចពីមុន នៅពេលដែលអាជ្ញាកណ្ដាលជាចៅហ្វាយនៃការប្រកួត ប៉ុន្តែអ្វីៗតែងទៅមុខ។ យើងស្ថិតក្នុងសករាជ VAR ហើយ"៕
អាន៖ Guardiola ថា Spurs គឺជាក្រុមល្អបំផុតលេខ២នៅអឺរ៉ុប