- 2019-07-23 03:27:16
- ព័ត៌មាន
Hazard និយាយពីគន្លឹះមួយបើសិនចង់ជោគជ័យនៅ Real Madrid
- 2019-07-23 03:27:16
- ចំនួនមតិ 0 | ចំនួនចែករំលែក 0
Hazard និយាយពីគន្លឹះមួយបើសិនចង់ជោគជ័យនៅ Real Madrid
ចន្លោះមិនឃើញ
Eden Hazard និយាយថាសារៈសំខាន់បំផុតនៅ Real Madrid គឺកីឡាករគ្រប់រូបត្រូវជួយក្រុមឈ្នះពានឲ្យបានច្រើន និងរៀងរាល់រដូវកាល។
ក្រុមយក្សអេស្ប៉ាញមានរដូវកាលដ៏អាប់អួបន្ទាប់ពី បញ្ចប់ក្នុងចំណាត់ថ្នាក់លេខ៣ក្រោម Barcelona នៅ LaLiga, ធ្លាក់ចេញពី Champions League ត្រឹមវគ្គ១៦ក្រុម និងចាញ់នៅ Copa del Rey វគ្គពាក់កណ្ដាលផ្ដាច់ព្រ័ត្រកាលពីរដូវកាលចាស់។
Hazard បន្ទាប់ពីជួយ Chelsea ឈ្នះ Europa League បានផ្ទេរទៅ Real Madrid ក្នុងតម្លៃខ្លួនកប់ពពក ១០០លានអឺរ៉ូ។ ខ្សែបម្រើសញ្ជាតិបែលហ្សិករំពឹងថាអាចស្ដារកិត្តិយសក្លឹបយក្សនេះឡើងវិញក្រោមការដឹកនាំរបស់លោក Zinedine Zidane។
“ពេលលេងឲ្យ Real Madrid អ្នកត្រូវតែឈ្នះពានរាល់រដូវកាល។ អ្នកត្រូវតែឈ្នះ ឈ្នះហើយឈ្នះទៀត។ បើអ្នកមិនឈ្នះ Champions League អ្នកគាំទ្រនឹងដាក់សម្ពាធ ព្រោះក្លឹបនេះគឺតែងតែស្រែកឃ្លានពាន ដូច្នេះហើយទើបខ្ញុំមកទីនេះ"។ កីឡាករវ័យ២៨ឆ្នាំនិយាយដូច្នេះ៕
