- 2019-07-21 14:12:01
- បាល់ទាត់
ហុក សុចិត្រា និយាយយ៉ាងណា រឿងគ្រូក្រោនមិនចាប់ដៃ និងកីឡាករប៉ះគ្នាច្រើន
- 2019-07-21 14:12:01
- ចំនួនមតិ 0 | ចំនួនចែករំលែក 0
ហុក សុចិត្រា និយាយយ៉ាងណា រឿងគ្រូក្រោនមិនចាប់ដៃ និងកីឡាករប៉ះគ្នាច្រើន
ចន្លោះមិនឃើញ
ក្រុមវិសាខា បានយកឈ្នះលើក្រុមភ្នំពេញក្រោនក្នុងលទ្ធផល ៤-៣ នាការប្រកួតលីគកំពូលកម្ពុជាសប្ដាហ៍ទី១៧កន្លងទៅនេះ។
ជាមួយការប្រកួតដ៏ជក់ចិត្តនេះដែរ ក៏មានកីឡាករប៉ះគ្នាឌឺដងគ្នាច្រើនដែរ ហើយចប់ការប្រកួតវិញ ខាងគ្រូបង្វឹកក្រុមភ្នំពេញក្រោនក៏មិនបានទៅចាប់ដៃខាងគ្រូបង្វឹកក្រុមវិសាខាដែរ។ ចំណុចនេះ លោក ហុក សុចិត្តា ដែលជាអ្នកចាត់ការក្រុមវិសាខា ក៏បានបង្ហាញចំណាប់អារម្មណ៍បន្តិចផងដែរ។
អ្នកចាត់ការដែលល្បីឈ្មោះនិងមានបទពិសោធច្រើនក្នុងវិស័យបាល់ទាត់កម្ពុជា បាននិយាយដូច្នេះថា៖ “ខ្ញុំអត់ដែលគិតពីអ្វីដែលគាត់ធ្វើទេ។ នេះជាសុជីវធម៌របស់គាត់ទេ បើគាត់គិតថាគាត់ធ្វើអីចឹងទៅវាល្អ ខ្ញុំអត់មានប្រកាន់អត់មានអីទេ ហើយក៏អត់ខ្វល់ជាមួយពួកគាត់ដែរ ព្រោះពួកគាត់ជាសិស្សប្អូនខ្ញុំទេ។ តាំងពីដើមខ្ញុំមិនដែលមានប្រតិកម្មចំពោះទង្វើអ្នកដទៃធ្វើអាក្រក់មកលើខ្ញុំទេ”។
សម្រាប់កាយវិការកីឡាករវិញ លោក ហុក សុចិត្រា ក៏បញ្ចេញយោបល់បន្តិចដែរថា៖ “ខ្ញុំតែងតែព្យាយាមមិនឱ្យកីឡាករខ្ញុំធ្វើអីចឹងដែរ ប៉ុន្តែខ្ញុំឆ្ងាយពីកន្លែងប្រកួតប៉ះគ្នា ហត់ផង ក្ដៅផង វាអាចប៉ះទង្គិចតិចតួច តែពេលចប់ពួកគេក៏បានធ្វើសញ្ញាសុំទោស ពេលចប់”។
សម្រាប់ការប្រកួតនេះដែរ ក៏បានបំបែកកំណត់ត្រាអ្នកចូលមើលច្រើនជាងគេក្នុងលីគកំពូលកម្ពុជាផងដែរ។ ការប្រកួតល្ងាចមិញនេះ មានអ្នកចូលមើលជាង៥ពាន់នាក់ឯណោះ ពេញកីឡដ្ឋានតែម្ដង៕