- 2019-07-21 07:02:24
- បាល់ទាត់
Zidane៖ Bale អត់ឈ្មោះលេង ព្រោះយើងកំពុងព្យាយាមលក់គេចេញ
- 2019-07-21 07:02:24
- ចំនួនមតិ 0 | ចំនួនចែករំលែក 0
Zidane៖ Bale អត់ឈ្មោះលេង ព្រោះយើងកំពុងព្យាយាមលក់គេចេញ
ចន្លោះមិនឃើញ
Zidane ចង់ឃើញកីឡាករ Gareth Bale ចាកចេញពីក្រុម Real Madrid កាន់តែឆាប់កាន់តែល្អ ក្រោយពីដកឈ្មោះគ្នាចេញពីបញ្ជីប្រកួតមិត្តភាពកាលពីព្រឹកមិញនេះ។
ក្នុងការប្រកួតមិត្តភាពកាលពីព្រឹកមិញនេះ លោក Zidane មិនបានដាក់ឈ្មោះ Bale ឱ្យចូលលេងឡើយ ដោយដាក់ជំនួសវិញដោយកីឡាករក្មេងៗជាច្រើននាក់។ ទាក់ទិននឹងរឿងមិនដាក់កីឡាករនេះដែរ អ្នកចាត់ការសញ្ជាតិបារាំងបានពន្យល់ដូច្នេះថា៖ “គាត់មិនបានលេង ព្រោះក្លឹបកំពុងព្យាយាមលក់គាត់ចេញ។ ប្រសិនបើគាត់អាចចេញនៅថ្ងៃស្អែក វារឹតតែល្អថែមទៀត”។
ក្រុម Real Madrid ចង់លក់កីឡាករវែលខាងលើចេញតាំងពីទីផ្សារដោះដូរកីឡាករបើកមក។ ប៉ុន្តែមិនអាចធ្វើបានឡើយ ក្រោយពីក្លឹបដែលចង់បានទាំងអស់នោះផ្ដល់តម្លៃទាបពេក។ ដោយឡែកសាមីខ្លួនវិញ ក៏តែងតែបញ្ជាក់បន្ថែមទៀតថារូបគេចង់នៅលេងឱ្យ Real Madrid ទៀតរហូតដល់អស់កុងត្រា៕
