ពានជើងឯក«វិទ្យាល័យ»ប្រាក់រង្វាន់៦០លានរៀលស្មើជើងឯកលីគ

2019-05-23 03:22:51
បាល់ទាត់

2019-05-23 03:22:51
ចំនួនមតិ 0 | ចំនួនចែករំលែក 0

ចន្លោះមិនឃើញ

ពានរង្វាន់ថ្មីសន្លាង«ជើងឯកវិទ្យាល័យ»នឹងត្រូវប្រកាសជាផ្លូវការនារសៀលថ្ងៃទី២៣ ខែឧសភានេះហើយដែលលេចឮព័ត៌មានថា ប្រាក់រង្វាន់សម្រាប់ជើងឯកទទួលបានរហូត៦០លានរៀល។

ប្រាក់រង្វាន់៦០លានរៀលនេះគឺជាប្រាក់រង្វាន់ដ៏ច្រើនសម្រាប់ការប្រកួតបាល់ទាត់ពានរង្វាន់មិនមែនអាជីព ហើយស្មើនឹងប្រាក់រង្វាន់ជើងឯកនៃលីគបាល់ទាត់កំពូលកម្ពុជាដែលទទួលបានប្រាក់រង្វាន់៦០លានរៀល។ តាមពិតទៅនេះមិនមែនជាពានរង្វាន់មិនអាជីពទី១ទេដែលមានប្រាក់រង្វាន់ច្រើន ប៉ុន្តែពានរង្វាន់ផ្សេងទៀតដូចជា Tiger Street Football Festival និង Ganzberg Cup ជាដើម ក៏មានប្រាក់រង្វាន់ច្រើនបែបនេះដែរ។ នេះជាប្រការដ៏ល្អសម្រាប់កីឡាបាល់ទាត់កម្ពុជាដែលអាចទាក់ទាញអ្នកលេងកាន់តែចាប់អារម្មណ៍ និងបំផុសបាល់ទាត់ឲ្យមានសកម្មភាពកាន់តែខ្លាំងឡើង។

តាមការគ្រោងទុកសន្និសីទសារព័ត៌មាននឹងធ្វើនៅវេលាម៉ោង២:១៥នាទី រសៀលថ្ងៃនេះ នៅអគារខេមរានី នៃទីស្នាក់ការសហភាពសហព័ន្ធយុវជនកម្ពុជា រាជធានីភ្នំពេញ។ ព័ត៌មានលំអិតនឹងផ្សាយជូនបន្តទៀត៕

អត្ថបទ៖ ជាន ចាន់រ៉ា