Draxler ថា PSG សម្បូរកីឡាករល្អៗនឹងបិទមិនឲ្យ Pogba ធ្វើអ្វីចេញនៅយប់នេះ

2019-02-12 02:26:11
បាល់ទាត់

2019-02-12 02:26:11
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែបម្រើប្រយុទ្ធ Julian Draxler បានលើកឡើងថា Paris Saint-Germain មានកីឡាករមានសមត្ថភាពច្រើនក្នុងការបញ្ឈប់ Paul Pogba នៅពានរង្វាន់ Champions League រាត្រីនេះម៉ោង ៣ទៀបភ្លឺ។

PSG នឹងត្រូវធ្វើដំណើរទៅកាន់កីឡដ្ឋាន Old Trafford ដើម្បីប្រកួតជើងទីមួយនៃវគ្គ១៦ក្រុមចុងក្រោយទល់នឹង United ដែលជាក្រុមកំពុងរក្សាទម្រង់លេងល្អក្រោមការដឹកនាំដោយលោក Ole Gunnar Solskjaer។ ជ័យជម្នះ ៣-០ លើ Fulham កាលពីចុងសប្ដាហ៍កន្លងទៅគឺជាការឈ្នះ១០ប្រកួតក្នុងចំណោម១១ប្រកួត គិតគ្រប់កម្មវិធីចាប់តាំងពី Solskjaer ចូលមកជំនួស Jose Mourinho កាលពីខែធ្នូ។

វត្តមានរបស់ Solskjaer ក៏បានស្រោចស្រង់ទម្រង់លេងរបស់ Pogba ឡើងវិញ ដោយគេរកបាន២គ្រាប់ពេលជួប Fulham និងជាគ្រាប់ទី១១ក្នុង Premier League រដូវកាលនេះ។ យ៉ាងនេះក្ដី Draxler កីឡាកររបស់ PSG ជឿជាក់ថា មិត្តរួមក្រុមរបស់គេអាចបញ្ឈប់ Pogba មិនឲ្យធ្វើអ្វីកើត។

និយាយក្នុងសន្និសីទកាសែត Draxler ថា៖ "ពួកគេមានកីឡាករល្អច្រើនក្នុងក្លឹប Man United ជាពិសេសខ្សែបម្រើដែលមាន Pogba និង Nemanja Matic។ ពួកគេនឹងក្លាយជាកីឡាករនាំលេងក្នុងការប្រកួត។ ប៉ុន្តែពួកយើងក៏មានកីឡាករមានគុណភាពដូចគ្នា។ កីឡាកររបស់ពួកយើងលើពីមានសមត្ថភាព"៕

ប្រភព៖ Four Four Two ប្រែសម្រួល៖ ហេង សុធារិទ្ធិ