- 2018-08-01 12:01:17
- បាល់ទាត់
អនាគត Martial កាន់តែមិនច្បាស់លាស់ ក្រោយរងការផាកពិន័យពីក្លឹបបិសាចក្រហម
- 2018-08-01 12:01:17
- ចំនួនមតិ 0 | ចំនួនចែករំលែក 0
អនាគត Martial កាន់តែមិនច្បាស់លាស់ ក្រោយរងការផាកពិន័យពីក្លឹបបិសាចក្រហម
ចន្លោះមិនឃើញ
ខ្សែស្លាប Antony Martial នឹងទទួលរងការផាកពិន័យពីសំណាក់ក្លឹប Manchester United ក្រោយបានអវត្តមានដោយមិនមានច្បាប់។
បើតាម The Sun កីឡាករនឹងត្រូវបង់ទឹកប្រាក់ចំនួន ១៨ ម៉ឺនផោន (ជាង ២៣ ម៉ឺនដុល្លារសហរដ្ឋអាមេរិក)ដល់ក្លឹប ចំពោះអវត្តមានដោយមិនមានច្បាប់នេះ។
កាលពីសប្ដាហ៍មុន Martial បានចាកចេញពីសហរដ្ឋអាមេរិកដែលជាទីបិសាចក្រហមធ្វើការប្រកួត Pre-season លើកនេះ ទៅទីក្រុងប៉ារីស ប្រទេសបារាំង ដើម្បីទៅមើលមិត្តស្រីរបស់ខ្លួនសម្រាលកូន។ ទោះជាយ៉ាងនេះក្ដី ជាង ១ សប្ដាហ៍កន្លងទៅហើយ កីឡាករបារាំងនៅតែមិនបានបង្ហាញវត្តមានវិញនៅសហរដ្ឋអាមេរិក ដើម្បីជួយក្រុមរបស់ខ្លួន។
ក្នុងអំឡុងពេលមួយសប្ដាហ៍ចុងក្រោយនេះ លោក Mourinho ហាក់ទិតៀនមិនសំចៃមាត់ទេ លើកីឡាករ Martial។ លោកអ្នកចាត់ការព័រទុយហ្គាល់ បាននិយាយថា ខ្សែស្លាប គួរតែត្រលប់មកជួយក្រុមវិញ ក្រោយសម្រាលកូនហើយ។ ក្នុងថ្ងៃនេះ លោក Mourinho បានបដិសេធក្នុងការឆ្លើយសំណួរទាក់ទងនឹងអនាគតរបស់ Martial។
ការណ៍ទាំងនេះ ធ្វើឲ្យមានពាក្យចចាមអារ៉ាមជាច្រើនដែលថា កីឡាករបារាំងអាចចាកចេញពីក្លឹបនៅពេលឆាប់ៗខាងមុខនេះ។ កាលពីពេលកន្លងទៅ មានក្លឹបពីររួមមាន Arsenal និង Tottenham Hotspur ត្រូវបានរាយការណ៍ថា បានចាប់អារម្មណ៍ខ្លាំងលើខ្សែស្លាប។
កីឡាករ Antony Martial ត្រូវបានមជ្ឈដ្ឋានទូទៅមើលឃើញបានបង្ហាញទម្រង់លេងល្អក្នុងប្រកួតភាគច្រើន តាំងពីចូលរួមជាមួយក្លឹប Manchester United កាលពីឆ្នាំ ២០១៥ មក។ កីឡាករវ័យ ២២ ឆ្នាំ លេងឲ្យក្លឹបសរុប ១៣៦ ប្រកួត និងស៊ុតចូល ៣៦ គ្រាប់។
កាលពីដើមរដូវកាល ២០១៧/១៨ កីឡាករហាក់បានបង្ហាញទម្រង់លេងបានយ៉ាងល្អ។ ទោះជាយ៉ាងណា ខ្សែស្លាបហាក់មិនសូវបានលេងជាប់លាប់ ក្រោយ Alexis Sanchez បានចូលរួមជាមួយក្លឹបកាលពីខែមករាឆ្នាំ ២០១៨៕