- 2017-11-15 02:40:44
- វិភាគ
ហេតុផលសំខាន់ ប្រាក់ សុវណ្ណារ៉ា ប្រើក្បួនចតឡានក្រុងយប់មិញ
- 2017-11-15 02:40:44
- ចំនួនមតិ 0 | ចំនួនចែករំលែក 0
ហេតុផលសំខាន់ ប្រាក់ សុវណ្ណារ៉ា ប្រើក្បួនចតឡានក្រុងយប់មិញ
ចន្លោះមិនឃើញ
នរណាក៏មើលឃើញ ទម្រង់លេងរបស់កម្ពុជាកាលពីយប់មិញនេះ គឺលេងរបៀបការពារខ្លាំង ដើម្បីរក្សាសំណាញ់ទីមិនឱ្យខាងហ្សកដានីស៊ុតចូលនោះទេ។ តែចុងក្រោយ ពួកគេនៅតែអាចរកបាន១គ្រាប់ដដែល។
លោក ប្រាក់ សុវណ្ណារ៉ា គ្រូបង្វឹកខាងក្រុមកម្ពុជាបានប្រាប់ពីហេតុផលនេះថា៖ “សុំទោសបងប្អូនផង ចំពោះលទ្ធផល... ពេលខ្លះបើយើងលេងវ៉ៃទៅវ៉ៃមក យើងអាចមានរបួសធ្ងន់ ព្រោះយើងដឹងហើយកាលពីជើងទី១ ដោយសារតែវ៉ៃទៅវ៉ៃមកនេះហើយដែលយើងចាញ់រហូត ៧-០។ នេះហើយជាហេតុផលដែលយើងលេងការពារច្រើន ព្រោះយើងដឹងហើយថាហ្សកដានី គេមានកម្រិតលេងខ្លាំងប៉ុណ្ណា”។
កាលពីជើងទី១កន្លងទៅ ក្រុមកម្ពុជាបរាជ័យខ្លាំងមែនទែនជាមួយ ហ្សកដានីនេះ ដោយកាលនោះលោក Leonardo ជាអ្នកដឹកនាំក្រុមកម្ពុជា។ ស្របពេលដែលមានបទពិសោធចាញ់ច្រើនគ្រាប់ និងបានឃើញពីទម្រង់លេងល្អរបស់ហ្សកដានីនេះហើយ ទើបបានជាគ្រូបង្វឹកថ្មី ប្រាក់ សុវណ្ណារ៉ា រៀបប្រព័ន្ធការពារច្រើន។ ដោយមុនការប្រកួតនោះ លោករំពឹងថានឹងអាចរក្សាលទ្ធផលបានស្មើថែមទៀតផង សម្រាប់ក្រុមកម្ពុជា ប៉ុន្តែចុងក្រោយបែរជាភ្លាត់ចាញ់១គ្រាប់ទៅវិញ៕
