លោក ហុក សុជីវ័ន្ត និយាយពីចំណុចខ្សោយរបស់យុវជនបាទី ដែលត្រៀម AFC

2017-10-19 00:18:00
វិភាគ

2017-10-19 00:18:00
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក ហុក សុជីវ័ន្ត គ្រូបង្វឹកក្រុមបាល់ទាត់វិសាខាបញ្ចេញទស្សនៈជុំវិញទម្រង់លេងរបស់យុវជនបាទី ដែលជាថ្នាលយុវជនរបស់ជម្រើសជាតិកម្ពុជាថា ចូលចិត្តប្រើស្តាយលេងដដែល។

លោក ហុក សុជីវ័ន្ត

អតីតគ្រូបង្វឹកក្រុមជម្រើសជាតិក្រោមអាយុ ១៩ ឆ្នាំកម្ពុជារូបនេះបាននិយាយថា យុវជនបាទីចូលចិត្តលេងរបៀបដដែលៗ ដែលការលេងនេះអាចឲ្យដៃគូងាយចាប់ចំណុចខ្សោយបាន។ យុវជនបាទីមានកម្លាំងខ្លាំងល្អ ប៉ុន្តែស្តាយលេងដដែលនេះនៅពេលប៉ះក្រុមដែលមានកម្លាំងខ្លាំងដូចគ្នា នឹងពិបាក ឬក៏មិនអាចយកឈ្នះដៃគូបានឡើយ។

លោកបន្ថែមថា នៅពេលយុវជនបាទី ទៅប្រកួតជាមួយក្រុមដែលមានការហ្វឹកហាត់ដិតដល់ អាយុប្រហាក់ប្រហែលគ្នា ឬប្រទេសផ្សេងៗជាដើម គឺដៃគូ នឹងមានការងាយស្រួលលេងជាមួយពួកគេ។

សូមបញ្ជាក់ថា យុវជនបាទីបានធ្វើការប្រមូលផ្ដុំកាលពីថ្ងៃទី១០ ខែតុលា ឆ្នាំ២០១៧ ដើម្បីត្រៀមចូលលេងវគ្គជម្រុះ 2018 AFC U-19 Championship ដែលកម្ពុជាធ្វើជាម្ចាស់ផ្ទះនាចន្លោះថ្ងៃទី២៤ ដល់ថ្ងៃទី២៨ ខែតុលា ឆ្នាំ២០១៧៕