- 2017-06-07 02:18:29
- វិភាគ
គ្រូទ័ពធ្លាប់បង្ហើបថា ឈិន ឈឿន លេងតំបន់នេះល្អបំផុតនៅជម្រើសជាតិ
- 2017-06-07 02:18:29
- ចំនួនមតិ 0 | ចំនួនចែករំលែក 0
គ្រូទ័ពធ្លាប់បង្ហើបថា ឈិន ឈឿន លេងតំបន់នេះល្អបំផុតនៅជម្រើសជាតិ
ចន្លោះមិនឃើញ
លោក ទេព ឡុងរចនា គ្រូបង្វឹកក្រុមក្រសួងការពារជាតិ (ទ័ព) ធ្លាប់បង្ហាញទស្សនៈផ្ទាល់ខ្លួនថា កូនក្រុមរបស់ខ្លួន ឈិន ឈឿន អាចលេងបាននៅតំបន់បម្រើស្លាបស្ដាំ និងការពារស្លាបស្ដាំគឺល្អបំផុត ក្នុងការលេងនៅក្រុមជម្រើសជាតិក្ដី ឬនៅក្លឹបក្ដី។
ទាក់ទងទម្រង់លេងរបស់ ឈិន ឈឿន គ្រូបង្វឹកកម្រិត A-Licenec បានឲ្យដឹងថា កូនក្រុមរបស់លោករូបនេះ មិនអាចលេងនៅតំបន់បម្រើកណ្ដាល ឬការពារកណ្ដាល ព្រមទាំងប្រយុទ្ធកណ្ដាលបាននោះទេ ពីព្រោះ ឈឿន មានមាឌតូច និងទាបពេក។ ប៉ុន្តែបើលេងនៅតំបន់បម្រើស្លាប ឬការពារស្លាបគឺល្អបំផុតទាំងនៅក្នុងជម្រើសជាតិ និងក្នុងក្លឹប ហើយអាចឲ្យគេត្រៀមវាយបកបានលឿនទៀតផង។
លោកបន្ថែមថា ឈិន ឈឿន បើដាក់ឲ្យលេងត្រង់ទីតាំងកណ្ដាល ពេលដៃគូលេងបាល់លើ ឬបាល់ផ្លោងប្រាកដណាស់ នឹងពិបាកទៅដណ្ដើមបាល់ពីដៃគូ។ ស្របពេលបើមិត្តរួមក្រុមលេងបាល់លើគឺពិបាកដូចគ្នា រូបគេនៅតែពិបាកទៅយកបាល់មកគ្រប់គ្រងដូចគ្នា ហេតុនេះចំណុចល្អរបស់គេគឺអាចលេងបានត្រឹមស្លាបប៉ុណ្ណោះ។
ឈិន ឈឿន ត្រូវបានជាប់ឈ្មោះក្នុងបញ្ជីកីឡាករ ២៥ នាក់ចុងក្រោយរបស់លោក Leonardo Vitorino គ្រូជម្រើសជាតិ សម្រាប់ការចូលរួមប្រកួតមិត្តភាពអន្តរជាតិជាមួយក្រុម ឥណ្ឌូណេស៊ី នៅថ្ងៃទី៨ ខែមិថុនា ឆ្នាំ២០១៧ នេះ៕
