- 2015-11-17 17:33:12
- វិភាគ
ចំណុចសំខាន់៤យ៉ាង អ្នកគាំទ្រត្រូវដឹងមុនកម្ពុជាប៉ះជប៉ុនយប់នេះ
- 2015-11-17 17:33:12
- ចំនួនមតិ 0 | ចំនួនចែករំលែក 0
ចំណុចសំខាន់៤យ៉ាង អ្នកគាំទ្រត្រូវដឹងមុនកម្ពុជាប៉ះជប៉ុនយប់នេះ
ចន្លោះមិនឃើញ
ក្រុមជម្រើសជាតិកម្ពុជា នឹងប្រកួតជាមួយក្រុមខ្លាំងប្រចាំតំបន់អាស៊ីជប៉ុននាម៉ោង ៧:១៤នាទីល្ងាចថ្ងៃទី១៧ ខែវិច្ឆិកា ឆ្នាំ២០១៥ នៅពហុកីឡដ្ឋានជាតិ សម្រាប់ការប្រកួតបាល់ទាត់ពានរង្វាន់ពិភពលោកវគ្គជម្រុះជុំទី២ ជើងទី២ ក្នុងពូល E។ ការប្រកួតនេះត្រូវបានគេរំពឹងថា មានអ្នកគាំទ្រច្រើន និងការការពារសុវត្ថិភាពក៏តឹងតែង ដូច្នេះអ្នកគាំទ្រត្រូវដឹងអ្វីខ្លះមុនការប្រកួតយប់នេះ?
ច្រកចូលវត្តមហាមន្ត្រី
១-ពេលវេលាបើកឲ្យចូលស្តាត៖ នាវេលាម៉ោង ២រសៀលថ្ងៃនេះសហព័ន្ធកីឡាបាល់ទាត់កម្ពុជា នឹងដាក់កម្លាំងសន្តិសុខរៀបចំសណ្ដាប់ធ្នាប់ក្នុងពហុកីឡដ្ឋានជាតិ។ ក្រោយរៀបចំរបៀបរៀបរយរួចរាល់សហព័ន្ធ នឹងបើកឲ្យអ្នកគាំទ្របាល់ទាត់ចូលតាមទីតាំងសំបុត្រដែលបានទិញមើលការប្រកួតដ៏ធំមួយនេះ។
២-ទីកន្លែងផ្ញើម៉ូតូ៖ ទីតាំងផ្ញើម៉ូតូនៅទល់មុខវត្តសំពៅមាសមិនមានទេ ពីព្រោះជាប់ជួសជុល ហេតុនេះចំណុចផ្ញើម៉ូតូមានចំនួន៤គឺច្រកវត្តមហាមន្ត្រី, ច្រកអាងទឹកអូឡាំពិក, ខាងមុខពហុកីឡដ្ឋានជាតិផ្សាទំនើបស៊ីធីម៉ល និងខាងក្នុងពហុកីឡដ្ឋានជាតិច្រកខ្លោងទ្វារធំ។ ទីតាំងផ្ញើម៉ូតូរបស់ស្តាតចំនួន ៣កន្លែងមិនឡើងថ្លៃឡើយ។
៣-កម្លាំងសន្តិសុខតឹងរ៉ឹង៖ ក្រុមកម្លាំងសន្តិសុខមានភាពតឹងរ៉ឹងជាងប្រកួតរាល់ដងកន្លងមក ដោយប្រុងប្រយ័ត្នទាំងក្នុង និងក្រៅទីលានបាល់ទាត់។ ក្រុមកម្លាំងរៀបចំសណ្ដាប់ធ្នាប់ បានសហការគ្នាចំនួន ៣សំខាន់គឺកម្លាំងអគ្គស្នងការដ្ឋាននគរបាលជាតិ កងរាជអាវុធហត្ថលើផ្ទៃប្រទេស និងរួមសហការពី បញ្ជាការដ្ឋានរាជធានីភ្នំពេញ។
៤-ទីតាំងលក់សំបុត្រក្នុងពេលកំពុងប្រកួត៖ មានកន្លែងសំបុត្រចំនួន ២កន្លែងក្នុងពេលកំពុងប្រកួតគឺកន្លែងលក់រាល់ដងនៅក្បែរច្រកចូល និងស្តង់លក់នៅស្ដាំដៃនៃច្រកចូលខ្លោងទ្វារធំ៕
អត្ថបទ៖ ស្រី សុវណ្ណដារ៉ា
