- 2024-04-30 05:58:57
- បាល់ទះ
សួន ចាន់ណារ៉ូ៖ ចង់ឲ្យសហព័ន្ធធ្វើរឿងនេះដើម្បីល្បីដូចខាងបាល់ទះរបស់ប្រទេសឥណ្ឌូណេស៊ី
- 2024-04-30 05:58:57
- ចំនួនមតិ 0 | ចំនួនចែករំលែក 0
សួន ចាន់ណារ៉ូ៖ ចង់ឲ្យសហព័ន្ធធ្វើរឿងនេះដើម្បីល្បីដូចខាងបាល់ទះរបស់ប្រទេសឥណ្ឌូណេស៊ី
ចន្លោះមិនឃើញ
កីឡាករបាល់ទះឆ្នើមរបស់វិសាខា សួន ចាន់ណារ៉ូ ចង់ឲ្យសហព័ន្ធកីឡាបាល់ទះកម្ពុជារៀបចំការប្រកួតឲ្យបានច្រើនដើម្បីឲ្យកីឡាករបានលេង ហើយប្រសិនបើមានកីឡាករមកពីអឺរ៉ុបរឹតតែល្អទទួលបានបទពិសោធន៍ឈានទៅរកភាពល្បីល្បាញដូចនៅប្រទេសឥណ្ឌូណេស៊ីជាដើម។
សួន ចាន់ណារ៉ូ បានឲ្យដឹងក្រោយបញ្ចប់ពានរង្វាន់ Wurk ថា ដូចដែលខ្លួនបានមើល និងតាមដានបាល់ទះខាងប្រទេសឥណ្ឌូណេស៊ីគឺការប្រកួតច្រើនពិសេសទៅទៀតពួកគេនាំយកីីឡាករប៉ែកខាងអឺរ៉ុបមកលេងតែម្ដង។
ដៃប៉ះស័រទី១ របស់ក្រុមជម្រើសជាតិកម្ពុជាខាងលើនេះបន្ថែមទៀតថា រូបគេពិតជាចង់ឲ្យសហព័ន្ធរៀបចំពានរង្វាន់ ការប្រកួតផ្សេងៗឲ្យបានច្រើន។ ប្រសិនបើក្លឹបនានាអាចនាំយកកីឡាករអឺរ៉ុបមកលេងទៀតកាន់តែល្អ ព្រោះវានឹងជួយពង្រឹងសមត្ថភាពកីឡាករខ្មែរឲ្យខ្លាំងហើយធ្វើឲ្យវិស័យបាល់ទះកម្ពុជានឹងមានភាពរីកចម្រើនអាចឈានដូចទៅហ្នឹងប្រទេសឥណ្ឌូណេស៊ីនៅថ្ងៃណាមួយមិនខាន។
បញ្ជាក់ដែរថា សួន ចាន់ណារ៉ូ និងមិត្តរួមក្រុមមានដូចជា គួន ម៉ម សឿន ហេង ផុល រតនៈ ពិន សារ៉ុន មួន និមល បានជួយក្លឹបបាល់ទះវិសាខា ឈ្នះពានរង្វាន់ WURKZ Special Volleyball Cup 4x4 ឆ្នាំ២០២៤ ក្រោយផ្ដួលក្លឹបបាល់ទះក្រសួងមហាផ្ទៃ ៣-១ (សិត) កាលពីអាទិត្យ ទី២៨ ខែមេសា។ ក្រុមវិសាខា ទទួលបានពាន ១គ្រឿង មេដាយមាស ១ និងប្រាក់រង្វាន់ ៥០លានរៀល។ លេខ២ ក្លឹបបាល់ទះក្រសួងមហាផ្ទៃ ទទួលបានមេដាយប្រាក់ ១ និងប្រាក់រង្វាន់ ២០លានរៀល និងលេខ៣ ក្លឹបបាល់ទះកងពលធំលេខ៣ ទទួលបានមេដាយសំរឹទ្ធ ១ និងប្រាក់រង្វាន់ ១២លានរៀល៕