Juventus នឹងបណ្ដេញ Allegri ក្នុងពេលឆាប់ៗ ខណៈជិតចរចាយកបានគ្រូបង្គោលថ្មី

2024-05-17 11:38:45
បាល់ទាត់

2024-05-17 11:38:45
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្លឹប Juventus នឹងធ្វើការបណ្ដេញ លោក Massimiliano Allegri ពីតំណែងគ្រូបង្គោលក្លឹបនៅក្នុងពេលឆាប់ៗនេះ ក្រោយជិតចរចាយកបានគ្រូបង្គោលថ្មីសម្រាប់ជំនួសក្នុងរដូវកាលថ្មីឆ្នាំ២០២៤/២៥ខាងមុខនេះ។ បើយោងតាមការចុះផ្សាយរបស់ Fabrizio Romano នៅក្នុងថ្ងៃនេះ។

បើតាមប្រភពខាងលើ ក្លឹបយក្សអ៊ីតាលីនេះបានសម្រេចរួចហើយថានឹងបណ្ដេញ លោក Allegri ដោយនឹងយក លោក Thiago Motta មកជំនួស។

Allegri ត្រូវបានស្គាល់ថាជាអ្នកដឹកនាំ Juventus ឲ្យរីកមុខមាត់ក្នុងលីគកំពូលអ៊ីតាលីដោយលោកធ្លាប់ដឹកនាំក្លឹបនេះ២ដង ដោយលើកទី១ លោកដឹកនាំពីឆ្នាំ២០១៤ ដល់ឆ្នាំ២០១៩ ដោយពេលនោះដឹកនាំឈ្នះពានលីគកំពូលឲ្យក្លឹបនេះរៀងរាល់រដូវកាល យ៉ាងណាសម្រាប់ការដឹកនាំលើកទី២ ចាប់ពីឆ្នាំ២០២១ ដល់ពេលនេះ ដោយមិនទាន់ឈ្នះពានមួយឲ្យក្លឹបទេ។

សម្រាប់ លោក Motta ដែលនឹងអាចមកដឹកនាំ Juventus ក្នុងរដូវកាលខាងមុខនេះ បានដឹកនាំក្លឹប Bologna ឲ្យឈរនៅលេខរៀងទី៣ ក្នុងតារាង Serie A ក្នុងរដូវកាលនេះដោយជាប់បេក្ខភាពអាចប្រកួតក្នុង UEFA Champions League នៅរដូវកាលខាងមុខ។

Juventus នឹងឲ្យកុងត្រា លោក Motta រយៈពេល៣ឆ្នាំបើលោកព្រមមកដឹកនាំ ដោយនៅក្នុងខណៈនេះការសម្រេចគឺលើលោកហើយថា លោកនឹងចាកចេញមកដឹក Juventus ឬនៅ Bologna បន្ត ខណៈលោកជាបេក្ខជន Juventus ចង់បានបំផុតតាំងពីខែកុម្ភៈ ឆ្នាំ២០២៤នេះមក៕