- 2022-09-06 03:17:13
- បាល់ទាត់
មុនប៉ះគ្នាគ្រូ Juventus ថា PSG ជាបេក្ខភាពទីមួយអាចឈ្នះ UCL រដូវកាលនេះ
- 2022-09-06 03:17:13
- ចំនួនមតិ 0 | ចំនួនចែករំលែក 0
មុនប៉ះគ្នាគ្រូ Juventus ថា PSG ជាបេក្ខភាពទីមួយអាចឈ្នះ UCL រដូវកាលនេះ
ចន្លោះមិនឃើញ
ក្លឹបយក្សរបស់អ៊ីតាលី Juventus នឹងត្រូវហោះទៅប្រទេសបារាំងដើម្បីតទល់ជាមួយក្រុមអ្នកមាន Paris St-Germain ក្នុងការប្រកួតបើកឆាកពានរង្វាន់ Champions League នារាត្រីនេះ។
ក្រុមទាំងពីរស្ថិតនៅពូល H រួមជាមួយក្លឹប Benfica របស់ព័រទុយហ្គាល់និង Maccubi Haifa របស់អ៊ីស្រាអែល។ លោក Massimilliano Allegri អ្នកចាត់ការរបស់ Juventus បានចាត់ទុកនេះជាពូលលំបាកមួយ ហើយត្រូវការពិន្ទុច្រើនដើម្បីឡើងទៅវគ្គបន្ត។
មុនប៉ះ PSG នៅយប់នេះម៉ោង២:០០នាទីរំលងអាធ្រាត្រលោក Allegri បាននិយាយថា ក្រុមរបស់ខ្លួនត្រូវការ១០ពិន្ទុដើម្បីឆ្លងផុតវគ្គសន្សំពិន្ទុក្នុងពូល។ ក្នុងគំនិតរបស់លោក PSG ជាបេក្ខភាពទីមួយក្នុងការឈ្នះពាន UCL ក្នុងរដូវកាលនេះ។
ខ្សែប្រយុទ្ធ Kylian Mbappe ដែលបានចូលរួមសន្និសីទកាសែតជាមួយអ្នកចាត់ការ Christophe Galtier បានលើកឡើងថា នេះជាការប្រកួតសំខាន់សម្រាប់ក្លឹបនិងក្រុមកីឡាករទាំងអស់។ គ្រប់គ្នាចង់ចាប់ផ្ដើមល្អសម្រាប់ការប្រកួតក្នុងផ្ទះខ្លួនឯង។ គេនឹងព្យាយាមលេងឲ្យបានល្អ និងឈ្នះពានតាមដែលអាចធ្វើបាន៕
