- 2022-06-16 04:24:49
- បាល់ទាត់
អ្នកស្នេហាកីឡាបាល់ទាត់កម្ពុជា បង្ហាញក្ដីរំភើបពេលបានឃើញពាន World Cup ផ្ទាល់ភ្នែក
- 2022-06-16 04:24:49
- ចំនួនមតិ 0 | ចំនួនចែករំលែក 0
អ្នកស្នេហាកីឡាបាល់ទាត់កម្ពុជា បង្ហាញក្ដីរំភើបពេលបានឃើញពាន World Cup ផ្ទាល់ភ្នែក
ចន្លោះមិនឃើញ
ថ្ងៃទី១៥ ខែមិថុនា ឆ្នាំ២០២២ នៅពហុកីឡដ្ឋានជាតិមរតកតេជោ អ្នកគាំទ្រកីឡាបាល់ទាត់កម្ពុជារាប់ពាន់នាក់បាននាំគ្នាមកទទួលយកបទពិសោធន៍អស្ចារ្យពីពានបាល់ទាត់ពិភពលោក “FIFA World Cup™ Trophy” ជាមួយក្រុមហ៊ុន កូកា-កូឡា។
អ្នកគាំទ្រកីឡាបាល់ទាត់រាប់ពាន់នាក់បានឈរតម្រង់ជួរនៅខាងក្រៅពហុកីឡដ្ឋានជាតិមរតកតេជោ ក្នុងរាជធានីភ្នំពេញ ដោយរង់ចាំយ៉ាងអន្ទះសារនូវឱកាសដ៏កម្របំផុតមួយក្នុងឆាកជីវិត ដើម្បីទស្សនាពានបាល់ទាត់ពិភពលោកដើម។ ព្រឹត្តិការណ៍នេះគឺជាផ្នែកមួយនៃព្រឹត្តិការណ៍ដំណើរទេសចរណ៍ពានបាល់ទាត់ពិភពលោក “FIFA World Cup™ Trophy Tour” នាំមកជូនដោយក្រុមហ៊ុន កូកា-កូឡា ដោយនាំយកពានដើមមកបង្ហាញជូនទស្សនាដល់អ្នកសេ្នហាវិស័យកីឡាបាល់ទាត់ជុំវិញពិភពលោក និងផ្តល់ជូនពួកគេនូវបទពិសោធដ៏វិសេសវិសាល ដែលត្រូវបានបង្កើតឡើងសម្រាប់អ្នកគាំទ្រកីឡា។
ម្ចាស់ស្រោមដៃមាស ស៊ូ យ៉ាទី ត្រូវបានគេប្រទះឃើញក្នុងទិដ្ឋភាពដែលមិនអាចរំលងបានកាលពីថ្ងៃពុធកន្លងទៅ។ កីឡាករណាហ្គាវើល គឺជាបុគ្គលសំណាងម្នាក់ក្នុងចំណោមមនុស្សរាប់ពាន់នាក់ក្នុងទីក្រុងភ្នំពេញ ដែលបានចូលរួមស្វាគមន៍ការមកដល់នៃពានបាល់ទាត់ពិភពលោកមកកាន់ប្រទេសកម្ពុជាជាលើកដំបូង។
ក្រៅពី ស៊ូ យ៉ាទី ក៏មានលោក ប៊ុនឡេង ដែលជា Content Creator ដ៏ល្បីមួយរូបក៏បានចូលរួមក្នុងព្រឹត្តិការណ៍នេះដែរ ហើយលោកបានចែករំលែកនូវបទពិសោធន៍ដែលមានតែម្តងក្នុងមួយជីវិតរបស់លោក ទៅកាន់ហ្វេនដែលតាមដានរូបលោកនៅក្នុងបណ្តាញអ៊ីនធឺណិតដ៏ច្រើន ដែលមិនអាចមានវត្តមានដោយផ្ទាល់។
ដោយឡែកយុវសិស្សអាយុ ១៦ឆ្នាំម្នាក់ឈ្មោះ ឡុង ប៊ុនរឿន ដែលជាប្រធានក្រុមបាល់ទាត់នៅវិទ្យាល័យមួយ បាននិយាយថា៖ «ខ្ញុំបានឃើញពាននេះច្រើនដងរួចមកហើយតាមទូរទស្សន៍។ វាពិតជាអស្ចារ្យណាស់ក្នុងការឃើញពានពិតនេះដោយភ្នែកផ្ទាល់របស់ខ្ញុំ។ វាជាបំណែកនៃប្រវត្តិសាស្ត្របាល់ទាត់ ខ្ញុំក៏មិនអាចរកពាក្យមកពណ៌នាពីអារម្មណ៍របស់ខ្ញុំឱ្យត្រូវទេ។ វាបានជំរុញចំណង់ចំណូលចិត្តឲ្យកាន់តែស្រឡាញ់កីឡាបាល់ទាត់»។ ដោយបានឃើញពានផ្ទាល់ភ្នែក អ្នកចូលរួមដែលមានសំណាងទាំងអស់ក៏មានឱកាសថតរូបផ្លូវការដោយឈរនៅក្បែរពានដើមផងដែរ។ អ្នកគាំទ្រជាច្រើនបានចែករំលែកបទពិសោធលើបណ្ដាញសង្គម ដើម្បីបង្ហាញអារម្មណ៍រំភើបរបស់ខ្លួនជាមួយអ្នកដទៃ។
ចំពោះមូលហេតុដែលពាន World Cup មានវត្ដមាននៅកម្ពុជានេះដែរ ត្រូវបានលោក Leonardo Garcia អ្នកចាត់ការទូទៅក្រុមហ៊ុន កូកា-កូឡា បញ្ជាក់ថាដោយសារកម្ពុជាមានសន្ទុះគាំទ្រវិស័យបាល់ទាត់ច្រើនទើបលោកចុចឈ្មោះទីក្រុងភ្នំពេញនេះដែលត្រូវដង្ហែពានមក៕