- 2022-03-23 12:07:36
- បាល់ទាត់
Man Utd បានទាក់ទងសម្ភាសន៍ Ten Hag មកធ្វើជាអ្នកចាត់ការថ្មីរបស់ក្លឹប
- 2022-03-23 12:07:36
- ចំនួនមតិ 0 | ចំនួនចែករំលែក 0
Man Utd បានទាក់ទងសម្ភាសន៍ Ten Hag មកធ្វើជាអ្នកចាត់ការថ្មីរបស់ក្លឹប
ចន្លោះមិនឃើញ
ក្លឹប Manchester United បានធ្វើការទាក់ទង លោក Erik ten Hag មកសម្ភាសន៍ការងារក្នុងតំណែងមកធ្វើជាអ្នកចាត់ការថ្មីរបស់ក្លឹបនៅរដូវកាលក្ដៅខាងមុខនេះ។ នេះបើយោងតាមការចុះផ្សាយរបស់ Goal ។
លោក Ten Hag ត្រូវបានគេដឹងថា បេក្ខជនឈានមុខដែលក្រុមបិសាចក្រហមចង់បានយកមកជំនួស លោក Ralf Rangnick អ្នកចាត់ការបណ្ដោះអាសន្នក្លឹបមួយនេះ ដោយនៅខណៈនេះកម្រិតប្រើប្រាស់ភាសាអង់គ្លេសរបស់លោកត្រូវបានគេដឹងថាអាចទទួលយកហើយ និងត្រៀមរួចខ្លួនជាស្រេចមកប្រកួតប្រជែងនៅ PL នេះ។
បើយោងតាម លោក Fabrizio Romano កំពូលអ្នកកាសែតអ៊ីតាលីមួយរូបបានឲ្យដឹងថា ក្នុងកិច្ចសម្ភាសន៍ការងារមួយនេះ Ten Hag បានសួរចង់ដឹងថា Man Utd មានគ្រោងថវិកាប៉ុន្មានឲ្យដឹកនាំ និងគម្រោងទៅថ្ងៃអនាគតរបស់ក្លឹបនេះចង់បានអ្វី។
យ៉ាងណា Man Utd មិនទាន់សម្រេចបែបណានោះទេនឹងលោក Ten Hag ដោយក្លឹបនេះនៅបន្តសម្ភាសន៍បេក្ខជនដទៃទៀតជាមុនសិន៕