- 2021-08-30 13:39:45
- បាល់ទាត់
Pogba យល់ថាក្រុម Man Utd ឆ្នាំនេះជាក្រុមខ្លាំងជាងគេ ដែលគេធ្លាប់លេងជាមួយ
- 2021-08-30 13:39:45
- ចំនួនមតិ 0 | ចំនួនចែករំលែក 0
Pogba យល់ថាក្រុម Man Utd ឆ្នាំនេះជាក្រុមខ្លាំងជាងគេ ដែលគេធ្លាប់លេងជាមួយ
ចន្លោះមិនឃើញ
ខ្សែបម្រើបារាំង Paul Pogba បាននិយាយក្រោយក្លឹប Manchester United ឈ្នះក្លឹប Wolves ក្នុងលទ្ធផល ១ ទល់នឹង ០ កាលពីថ្ងៃអាទិត្យម្សិលមិញថា ក្រុមកីឡាករបិសាចក្រហមរដូវកាលនេះ ជាក្រុម Man Utd ខ្លាំងជាងគេ ដែលខ្លួនធ្លាប់លេង។
កីឡាកររូបនេះបាននិយាយថា៖ " កន្លងមកក្រុម Manchester United ជាក្រុមខ្លាំងហើយ តែក្រុមនេះជាក្រុមខ្លាំងជាងគេ ដែលខ្ញុំធ្លាប់លេង " ។
'' ប្រាកដណាស់នេះជា DNA របស់ក្លឹបក្នុងការឈ្នះពាន។ យើងមានក្រុមខ្លាំង ដែលអាចក្លាយជាក្រុមជើងឯក។ យើងដឹងថាវានឹងពិបាក តែយើងនឹងខិតខំប្រឹងប្រែងឱ្យអស់ពីសមត្ថភាពក្នុងការលើកពាន " នេះជាការលើកឡើងរបស់ Pogba។
Manchester United ក្នុងឆ្នាំនេះបាននាំចូលកីឡាករសំខាន់ៗមួយចំនួន ដូចជាខ្សែស្លាបអង់គ្លេស Jadon Sancho ហើយជាពិសេសទៅទៀតនោះគឺ ការត្រលប់មកវិញយ៉ាងភ្ញាក់ផ្អើលរបស់ខ្សែប្រយុទ្ធព័រទុយហ្គាល់ Cristiano Ronaldo៕