- 2021-05-30 03:34:42
- បាល់ទាត់
សម្ដីក្ដុកក្ដួលរបស់ Mason Mount ក្រោយ Chelsea ឈ្នះ UCL យប់មិញ
- 2021-05-30 03:34:42
- ចំនួនមតិ 0 | ចំនួនចែករំលែក 0
សម្ដីក្ដុកក្ដួលរបស់ Mason Mount ក្រោយ Chelsea ឈ្នះ UCL យប់មិញ
ចន្លោះមិនឃើញ
ក្រោយឈ្នះជើងឯក UCL លើក្រុមជើងឯក Premier League របស់លោក Pep Gardiola ១-០ ខ្សែប្រយុទ្ធ Mason Mount ដែលជាអ្នកបញ្ជូនបាល់ឱ្យ Kai Havertz ស៊ុតបញ្ចូលទី City កាលពីម៉ោង២ទាបភ្លឺយប់មិញ បានលើកឡើងថា Chelsea គឺជាក្រុមខ្លាំងជាងគេបំផុតនៅលើលោក «ពួកយើងជាក្រុមខ្លាំងជាងគេនៅលើពិភពលោក»។
ខាងក្រោមនេះជាសម្ដីក្ដុកក្ដួលបន្ថែមទៀត របស់ខ្សែប្រយុទ្ធអង់គ្លេសវ័យ២២ឆ្នាំ៖
«ខ្ញុំរកពាក្យនិយាយមិនត្រូវទេ។ វាមិនអាចទៅរួចទេ»
«អ្វីដែលខ្ញុំចង់បាន គឺការស្រមៃចង់ឈ្នះពានជាមួយ Chelsea។ យើងប្រឈមគ្រប់យ៉ាងនៅ Champions League។ យើងលេងជាមួយក្រុមខ្លាំងៗ យើងឡើងដល់វគ្គផ្ដាច់ព្រ័ត្រ ហើយយើងឈ្នះពាន។ វាជាឱកាសដ៏ពិសេស»
«នៅខណៈពេលនេះ ពួកយើងជាក្រុមល្អបំផុតនៅលើលោក។ អ្នកមិនអាចធ្វើបានដូចយើងទេ»។
«តើ Man City ជាក្រុមយ៉ាងម៉េច! អ្នកឃើញពួកគេធ្វើបានល្អប៉ុណ្ណា នៅ Premier League។ វាជាការប្រកួតដ៏តានតឹង។ យើងរកបានមួយគ្រាប់ ហើយលេងការពាររហូតដល់ចាប់ការប្រកួត។ ពួកយើងរក្សាទម្រង់លេងបែបនេះ ហើយពួកយើងឈ្នះ។ តើខ្ញុំគួរនិយាយថាយ៉ាងម៉េចទៅ?»
«វាមិនគួរឱ្យជឿ។ ឪពុកខ្ញុំចេញពីកន្លែងអង្គុយ ខ្ញុំស្រក់ទឹកភ្នែកពេលឃើញគាត់។ ខ្ញុំអរគុណដល់គ្រួសារខ្ញុំ សម្រាប់អ្វីៗគ្រប់យ៉ាង»
កីឡាករចេញពីយុវជន Chelsea បានក្លាយជាខ្សែប្រយុទ្ធកំពូលរបស់ក្រុមតោខៀវ ហើយបានជាប់ជាកីឡាករល្អរបស់ក្លឹបប្រចាំឆ្នាំ២០២១នេះ។ Mount បង្ហាញខ្លួនបាន៥៤ប្រកួត រកបាន ៩គ្រាប់ និងបញ្ជូនបាល់ឱ្យមិត្តរួមក្រុមស៊ុតបញ្ចូលទីបានចំនួន ៩លើក៕
