- 2021-04-19 11:24:33
- បាល់ទាត់
Mourinho ត្រូវបានបញ្ចប់ការងារនៅ Spurs ក្រោយ European Super League ចេញរូបរាង
- 2021-04-19 11:24:33
- ចំនួនមតិ 0 | ចំនួនចែករំលែក 0
Mourinho ត្រូវបានបញ្ចប់ការងារនៅ Spurs ក្រោយ European Super League ចេញរូបរាង
ចន្លោះមិនឃើញ
លោក Jose Mourinho និងក្រុមការងារត្រូវបានក្លឹប Tottenham Hotspur បញ្ចប់ការងារជាអ្នកចាត់ការរបស់ក្លឹបហើយនៅល្ងាចម៉ោងនៅកម្ពុជា។
ខាង Spurs មិនបានបញ្ជាក់ពីមូលហេតុច្បាស់លាស់ក្នុងការចែកផ្លូវគ្នានោះទេ ដោយលោក Daniel Levy ប្រធានក្លឹប Spurs បាននិយាយថា ទំនាក់ទំនងផ្ទាល់ខ្លួនរបស់លោក និង Mourinho ពិតជាល្អណាស់ ហើយសោកស្ដាយ ដែលបង្ខំចិត្តបែកគ្នាដូច្នេះ។
អតីតខ្សែបម្រើ Spurs និងជាគ្រូថ្នាលរបស់ក្លឹបបច្ចុប្បន្ននេះគឺ លោក Ryan Mason នឹងឡើងជំនួសលោក Mourinho បណ្ដោះអាសន្ន។
មានការសង្ស័យមួយចំនួនបានលើកឡើងថា Spurs ដេញ Mourinho ចេញ ដោយសារតែបុរសជនជាតិព័រទុយហ្គាល់រូបនេះបង្ហាញភាពមិនពេញចិត្តនឹង Spursការចូលរួមបង្កើតក្របខ័ណ្ឌ European Super League ដែលរងការរិះគន់ពី FIFA, UEFA និងសមាគមបាល់ទាត់អឺរ៉ុបជាច្រើនទៀត។
យ៉ាងណាមិញ បើតាមអ្នកវិភាគបាល់ទាត់មួយចំនួនបានលើកឡើងថា ដោយសារតែលទ្ធផលអាក្រក់ផ្ទួនៗគ្នារបស់ Spurs ក្រោមការដឹកនាំរបស់ Mourinho ទើបខាងក្លឹបសម្រេចបណ្ដេញលោកចេញ ដោយមិនមានពាក់ព័ន្ធនឹង ESL អ្វីនោះទេ៕