- 2021-02-11 00:00:00
- កីឡាផ្សេងៗ
ដំណឹងល្អ! ក្រុមកីឡាជម្រើសជាតិប្រហែល ១០០០នាក់ នឹងបានចាក់វ៉ាក់សាំងកូវីដ
- 2021-02-11 00:00:00
- ចំនួនមតិ 0 | ចំនួនចែករំលែក 0
ដំណឹងល្អ! ក្រុមកីឡាជម្រើសជាតិប្រហែល ១០០០នាក់ នឹងបានចាក់វ៉ាក់សាំងកូវីដ
ចន្លោះមិនឃើញ
អគ្គលេខាធិការ នៃគណៈកម្មាធិការជាតិរៀបចំកីឡាអាស៊ីអាគ្នេយ៍ លើកទី៣២ បានបញ្ជាក់ថា សម្រាប់ក្រុមកីឡាករ កីឡាការិនីជម្រើសជាតិនឹងទទួលបានការចាក់វ៉ាក់សាំងកូវីដ ដែលជាជំនួយរបស់ចិន នៅដំណាក់កាលដំបូងនេះ។
ឯកឧត្ដម វ៉ាត់ ចំរើន បានឲ្យដឹងថា តាមប្រសាសន៍របស់សម្ដេចតេជោ នាយករដ្ឋមន្ត្រីក៏បានបញ្ជាក់ដែរថា ក្រុមកីឡាករ កីឡាការិនីក៏នឹងត្រូវបានចាក់វ៉ាក់សាំងដែលជាជំនួយរបស់ប្រទេសចិននេះផងដែរ។ ពេលនេះឯកឧត្ដមទទួលបានការណែនាំក៏ដូចជាភ្លើងខៀវពីសម្ដេចពិជ័យសេនា ទៀ បាញ់ ប្រធាន CAMSOC រួចហើយស្ដីពីការវ៉ាក់សាំងនេះដល់ក្រុមជម្រើសជាតិប្រហែល ១០០០នាក់ ដែលត្រូវត្រៀមចេញទៅហ្វឹកហាត់នៅក្រៅប្រទេស និងអត្តពលិកត្រៀមប្រកួតកីឡាអូឡាំពិកក៏ដូចជាស៊ីហ្គេម ចុងឆ្នាំ២០២១ នៅប្រទេសវៀតណាម។
អគ្គលេខាធិការខាងលើនេះក៏ថ្លែងអំណរគុណសម្ដេចតេជោ សម្ដេចពិជ័យសេនា និងឯកឧត្ដម ថោង ខុន ដែលតែងតែគិតអំពីសុខុមាលភាពដល់ក្រុមកីឡាករ កីឡាការិនីជារៀងរហូតមក។ ការបានចាក់វ៉ាក់សាំងនេះក៏ជាការផ្ដល់ទំនុកចិត្តកាន់តែខ្លាំងលើការខំប្រឹងហ្វឹកហាត់របស់ក្រុមអត្តពលិកទាំងនេះផងដែរ។
រំលឹកដែរថា ប្រទេសកម្ពុជាបានទទួលវ៉ាក់សាំងកូវីដ ១៩ (Sinopharm) ពីប្រទេសចិនចំនួន ៦០ម៉ឺនដូស ដែលបានដឹកមកដល់ប្រទេសកម្ពុជាហើយ កាលពីរសៀលថ្ងៃទី០៧ កុម្ភៈ ឆ្នាំ២០២១ នេះ។ ម្សិលមិញនេះដែរក៏ជាថ្ងៃទី១ បើកយុទ្ធនាការចាក់វ៉ាក់សាំងដល់ឥស្សរជន និងមនុស្សដែលជាគោលដៅសំខាន់ៗដូចទៅហ្នឹងសម្ដេចតេជោ បានបែងចែករួចមកហើយ៕
វីដេអូ៖