តិចភ្លេច! មកដឹងពីពេលវេលាចាប់ឆ្នោត Champions League រដូវកាលថ្មី

2020-09-30 04:26:14
បាល់ទាត់

2020-09-30 04:26:14
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួតតាមលីគនីមួយៗនៅតំបន់អឺរ៉ុបកំពុងចាប់ផ្ដើមប្រកួតជាបណ្ដើរៗ ខណៈពានរង្វាន់ Champions League រដូវកាលថ្មីក៏នឹងជិតឈានចូលមកដល់ដែរ។

កាលពីរដូវកាល២០១៩-២០ ក្រុម Bayern Munich គឺជាម្ចាស់ជើងឯក បន្ទាប់ពីបានយកឈ្នះ Paris Saint-Germain នៅវគ្គផ្ដាច់ព្រ័ត្រ។ ខាងក្រោមនឹងបង្ហាញពីពេលវេលាចាប់ឆ្នោត UCL។

ថ្ងៃត្រូវចាប់ឆ្នោត

ការចាប់ឆ្នោតវគ្គបែងចែកពូលពាន Champions League រដូវកាល២០២០-២១ នឹងធ្វើឡើងនៅថ្ងៃទី ១ ខែ តុលា ឆ្នាំ ២០២០។ វានឹងរៀបចំនៅក្នុងស្ទូឌីយូរបស់ស្ថានីយទូរទស្សន៍ RTS ក្នុងទីក្រុង Geneva ប្រទេសស្វីស នៅពេលម៉ោង៦ល្ងាច (ត្រូវនឹងម៉ោង១១យប់នៅកម្ពុជា)។

ជាមួយគ្នានេះ UEFA ក៏នឹងប្រើកម្មវិធីនេះចែកពានរង្វាន់ជូនកីឡាករនិងគ្រូបង្វឹកឆ្នើមប្រចាំរដូវកាល២០១៩-២០ ផងដែរ។

Pot របស់ក្រុមនីមួយៗ

ការចាប់ឆ្នោតវគ្គចែកពូល UCL សរុបមាន៣២ក្រុម។ ២៦ក្រុមបានឡើងមកដោយស្វ័យប្រវត្តិ ឯ៦ក្រុមផ្សេងទៀតត្រូវលេងជម្រុះដើម្បីរកកៅអីរបស់ខ្លួន។ ៦ក្រុមដែលត្រូវចូលខ្លួនមកបំពេញចន្លោះខាងក្រោមនឹងត្រូវរកឃើញនៅយប់នេះហើយ។