សំ វណ្ណនិត ប្ដេជ្ញាយកជម្រើស១១នាក់ដំបូងឱ្យបាន មុនឆ្ពោះទៅជម្រើសជាតិ

2020-06-24 07:02:11
បាល់ទាត់

2020-06-24 07:02:11
ចំនួនមតិ 0 | ចំនួនចែករំលែក 0

ចន្លោះមិនឃើញ

កន្លងមកខ្សែការពារមាឌល្អិតចិត្តខ្លាំង សំ វណ្ណនិត បានទម្លាយថារាងកាយជាកត្តាមួយធ្វើឱ្យគេ ពិបាកប្រឡូកក្នុងវិស័យបាល់ទាត់ ប៉ុន្តែកីឡាករមកពីកោះកុង ប្ដេជ្ញានឹងប្រឹងប្រែងឱ្យខ្លាំងទ្វេដង ដើម្បីប្រជែងយកជម្រើស១១នាក់ដំបូង របស់លោក ប្រាក់ សុវណ្ណារ៉ា គ្រូបង្គោលក្លឹបនគរបាលជាតិ។

រូបភាពក្លឹបបាល់ទាត់នគរបាលជាតិ

ក្រៅពីជម្រើស១១នាក់ដំបូងនៅក្លឹបអាជីពហើយនោះ អតីតយុវជនអាយុក្រោម១៧ឆ្នាំក្លឹបបឹងកេត ក៏បានដាក់គោលដៅចង់ជាប់ជម្រើសជាតិដែរ ព្រោះជាក្ដីស្រម៉ៃរបស់គេតាំងពីក្មេង។

វណ្ណនិត រៀបរាប់ថា ៖«ជាប់ជម្រើសជាតិ ជាក្ដីស្រមៃរបស់ខ្ញុំ។ ខ្ញុំស្រលាញ់តាំងពីតូចមក ហើយដំបូងខ្ញុំចង់ចូលជាកីឡាករអាជីពមួយរូប និងខិតខំហ្វឹកហាត់ឱ្យជាប់ជម្រើស១១នាក់ដំបូង។ ខ្ញុំនឹងខំហ្វឹកហាត់ ដើម្បីឱ្យបានលេងនៅក្លឹប និងឱ្យគ្រូជម្រើសជាតិឃើញ»។

ចំពោះជម្រើសជាតិ កីឡាករវ័យ២៣ឆ្នាំ ចង់ជាប់ឈុតតូចសិន ដើម្បីក្រេបជញ្ជក់នូវបទពិសោធន៍ថ្មីៗ ព្រោះដំណាក់កាលនេះ មិនមែនជាដំណាក់កាលងាយស្រួលដូចការគិតឡើយ។ ប៉ុន្តែទោះបីជាយ៉ាងណា អតីតយុវជនអាយុក្រោយ១៦ឆ្នាំ ប្រចាំខេត្តកោះកុង បានបញ្ជាក់គេនឹងប្រឹងប្រែងឱ្យអស់ពីលទ្ធភាព តាមដែលអាចធ្វើបាន៕

អត្ថបទ៖ អ៊ុំ សុភក្តិ