- 2018-11-14 02:45:44
- ព័ត៌មាន
Spurs គ្រោងចំណាយប្រាក់យក Steven Gerrard ថ្មីមកកាន់អង់គ្លេស
- 2018-11-14 02:45:44
- ចំនួនមតិ 0 | ចំនួនចែករំលែក 0
Spurs គ្រោងចំណាយប្រាក់យក Steven Gerrard ថ្មីមកកាន់អង់គ្លេស
ចន្លោះមិនឃើញ
Tottenham Hotspur គ្រោងចំណាយ៣៥លានផោនទិញយកកីឡាករអ៊ីតាលីវ័យក្មេង Nicolo Barella ដែលជាចាត់ទុកថាជា Steven Gerrard ថ្មី មកជំនួសកន្លែងរបស់ Mousa Dembele។
ខ្សែបម្រើរបស់បែលហ្ស៊ិក Dembele ពេលនេះកំពុងមានរបួសកជើង ពេលSpurs យកឈ្នះ Wolves ៣-២ កាលពីដើមខែវិច្ឆិកានេះ ហើយគេក៏បានហោះទៅប្រទេសកាតារដើម្បីធ្វើការព្យាបាលជាពិសេស។
កាលពីរដូវក្ដៅកន្លងទៅ Spurs មិនបានទិញចូលកីឡាករណាមួយរូបឡើយ លោក Mauricio Pochettino កំពុងតែគិតគ្រោងចំណាយទិញកីឡាករដំបូងក្នុងខាងមករាខាងមុខ។ Poch សង្ឃឹមថា តម្លៃ៣៥លានផោននឹងអាចទាក់ចិត្តក្លឹប Cagliari របស់អ៊ីតាលីព្រមលក់ Barella វ័យ២១ឆ្នាំ ប៉ុន្តែពួកគេត្រូវប្រជែងជាមួយ Liverpool ដើម្បីទិញកីឡាករវ័យក្មេងខាងលើ។
Nicolo Barella ចូលលេងជាអាជីពបាន៩៩ប្រកួត និងទាត់បញ្ចូលទីបាន៧គ្រាប់។ គេជាយុវជនចេញពីក្លឹប Cagliari ផ្ទាល់ ហើយធ្លាប់ជាប់ចូលលេងឲ្យជម្រើសជាតិអ៊ីតាលីក្រុមធំបាន២ដង បន្ទាប់ពីមានការកោះហៅនៅឆ្នាំ២០១៨នេះ៕
