/62b0202be9ca4_1655709720_medium.jpg)
- 2022-06-20 07:28:46
- កីឡាផ្សេងៗ
ការប្រកួតកីឡានិស្សិតឧត្ដមសិក្សាចាប់ផ្ដើមពីថ្ងៃទី២១ មិថុនា នេះហើយនៅរាជធានីភ្នំពេញ
- 2022-06-20 07:28:46
- ចំនួនមតិ 0 | ចំនួនចែករំលែក 0
ការប្រកួតកីឡានិស្សិតឧត្ដមសិក្សាចាប់ផ្ដើមពីថ្ងៃទី២១ មិថុនា នេះហើយនៅរាជធានីភ្នំពេញ
ចន្លោះមិនឃើញ
ការប្រកួតកីឡានិស្សិតឧត្ដមសិក្សា នឹងចាប់ផ្ដើមពីថ្ងៃទី២១ ដល់ទី៣០ ខែមិថុនា ឆ្នាំ២០២២ នៅរាជធានីភ្នំពេញដែលមាន១២ប្រភេទកីឡាចូលរួមប្រជែងមេដាយគ្នា។
លោក ហួត សេងទ្រី ប្រធាននាយកដ្ឋានរៀបចំ និងគ្រប់គ្រងព្រឹត្តិការណ៍កីឡានៃក្រសួងអប់រំបានលើកឡើងថា សម្រាប់ការប្រកួតកីឡានិស្សិតឧត្ដមសិក្សាមាន ១២ប្រភេទកីឡាចូលរួមដែលមានប្រតិភូកីឡាករ កីឡាការិនីសរុប ១៤៤៣នាក់ និងលេងលើ ៨៨វិញ្ញាសា។
ឯកឧត្ដម ស សុខា រដ្ឋលេខាធិការក្រសួងអប់រំ យុវជន និងកីឡាទទួលបន្ទុកផ្នែកកីឡា បានជំរុញមន្ត្រីនាយកដ្ឋានជំនាញ និងសហព័ន្ធកីឡាជាតិទាំង១២ ព្រមទាំងប្រតិភូកីឡាមកពីគ្រឹះស្ថានឧត្ដមសិក្សា និងមធ្យមសិក្សាបច្ចេកទេសរួមគ្នាលើកកម្ពស់ដល់ដំណើរការប្រកួតកីឡានិស្សិតឧត្ដមសិក្សា និងមធ្យមសិក្សាបច្ចេកទេសថ្នាក់ជាតិ ឆ្នាំ២០២២ ឲ្យដំណើរការដោយរលូន និងបង្កើនបានគុណភាពកាន់តែល្អប្រសើរបន្ថែមទៀត។
បញ្ជាក់ដែរថា ព្រឹកមិញនេះឯកឧត្ដម សុ សុខា ប្រជុំបច្ចេកទេស នៅព្រឹកថ្ងៃទី២០ នៅមជ្ឈមណ្ឌលជាតិហ្វឹកហ្វឺនកីឡា ត្រៀមការប្រកួតកីឡានិស្សិតឧត្តមសិក្សា និងមធ្យមសិក្សាបច្ចេកទេសថ្នាក់ជាតិនេះ៕
