Man City ជាក្រុមដែលមានកីឡាករថ្លៃជាងគេបំផុតនៅអឺរ៉ុប ឯ Arsenal នៅលេខ៩

2021-09-07 07:17:17
បាល់ទាត់

2021-09-07 07:17:17
ចំនួនមតិ 0 | ចំនួនចែករំលែក 0

ចន្លោះមិនឃើញ

ជើងឯក Premier League ក្លឹប Manchester City គឺជាក្រុមដែលជួរកីឡាករថ្លៃជាងគេបំផុតក្នុងតំបន់អឺរ៉ុប។

បើយោងតាមការវិភាគរបស់ CIES បានបញ្ចេញឲ្យដឹង កីឡាករក្នុងក្រុមរបស់ Man City មានតម្លៃសរុបបញ្ចូលគ្នាដល់ទៅ៩២៦លានផោន។ ការដែលជួយឲ្យ City ឈរលើគេបង្អស់ ដោយសារតែពួកគេបានចំណាយ១០០លានផោនទិញ Jack Grealish បំបែកកំណត់ត្រាកីឡាករអង់គ្លេសកាលពីរដូវក្ដៅនេះ។

ក្រុមគូប្រជែង Manchester United ស្ថិតនៅចំណាត់ថ្នាក់លេខពីរចាញ់ Man City តែ៤៩លានផោនប៉ុណ្ណោះ។ United ឆ្នាំនេះក៏មានការដោះដូរមមាញឹកដែរ ដូចជាការនាំចូល Jadon Sancho តម្លៃ៧៣លានផោន, Raphael Varance ៤២លានផោន និង Ronaldo ១៩,៨លានផោន។

Paris Saint-Germain យកបានចំណាត់ថ្នាក់លេខបី ដោយក្រុមមានតម្លៃខ្លួនកីឡាករសរុប៨២០លានផោន។ Arsenal ត្បិតតែចាប់ផ្ដើមរដូវកាលមិនបានល្អ តែពួកគេឈរនៅលេខ៩ លើ Spurs៕